ວັນທີ 17 ທັນວານີ້ ຢູ່ເຂດພັດທະນາເສດຖະກິດຫວັນຕິ່ງເມືອງຢຸ້ຍລີ້ກິ່ງແຂວງປົກຄອງຕົນເອງເຜົ່າລື້ເຜົ່າຈິງໂພ່ເຕີຮົງແຂວງຢູນນານ ໄດ້ຈັດພິທີວາງສີລາລືກເພື່ອກໍ່ສ້າງສະຖາບັນວິຊາຊີບສາກົນແມ່ນ້ຳລ້ານຊ້າງ-ແມ່ນ້ຳຂອງມະຫາວິທະຍາໄລຊົນເຜົ່າຢູນນານຈີນ ທີ່ເປັນສະຖາບັນແຫ່ງທຳອິດພາຍໃຕ້ຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ໂດຍຕົ້ນຕໍຈະອົບຮົມຊັບພະຍາກອນມະນຸດແບບປະຍຸກທີ່ມີຄຸນນະພາບສູງທີ່ຕອບສະໜອງຄວາມຕ້ອງການຂອງການພດທະນາເສດຖະກິດສັງຄົມຂອງພາກພື້ນນີ້.
ສະຖາບັນວິຊາຊີບສາກົນແມ່ນ້ຳລ້ານຊ້າງ-ແມ່ນ້ຳຂອງ ຈະສ້າງເປັນສູນກາງອາຊີວະສຶກສາທີ່ມີ 6 ອົງການຢູ່ສະຖານທີ່ດຽວກັນ ຄື: ສູນສຶກສາອົບຮົມຈີນ-ອາຊຽນ, ສະຖາບັນວິຊາຊີບສາກົນແມ່ນ້ຳລ້ານຊ້າງ-ແມ່ນ້ຳຂອງ, ສະຫະພັນອາຊີວະສຶກສາແມ່ນ້ຳລ້ານຊ້າງ-ແມ່ນ້ຳຂອງ, ສະຖາບັນຄົ້ນຄວ້າອາຊີວະສຶກສາແລະການພັດທະນາອຸດສາຫະກຳແມ່ນ້ຳລ້ານຊ້າງ-ແມ່ນ້ຳຂອງ, ສູນເຊື່ອມໂຍງການຜະລິດແລະການສຶກສາແມ່ນ້ຳລ້ານຊ້າງ-ແມ່ນ້ຳຂອງ ແລະ ສະຖາບັນພະນັກງານສາກົນແມ່ນ້ຳລ້ານຊ້າງ-ແມ່ນ້ຳຂອງ. ໃນນີ້, ການສ້າງສະຖາບັນວິຊາຊີບສາກົນແມ່ນ້ຳລ້ານຊ້າງ-ແມ່ນ້ຳຂອງ ແລະ ສະຫະພັນອາຊີວະສຶກສາແມ່ນ້ຳລ້ານຊ້າງ-ແມ່ນ້ຳຂອງ ໄດ້ຖືກຈັດເຂົ້າໃນບັບຊີຜົນງານສຳຄັນຂອງກອງປະຊຸມລັດຖະມົນຕີການຕ່າງປະເທດຄັ້ງທີສອງຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.