ຄະນະຜູ້ແທນວັດທະນະທຳເຜົ່າຈ້າງ(ຕິເບດ)ຈີນ ໄດ້ເດີນທາງຢ້ຽມຢາມມຽນມາໃນວັນທີ 18 ທັນວານີ້ ໂດຍໄດ້ພົບປະແລກປ່ຽນກັບຄະນະກຳມະການພະເຖລະມຽນມາ ແລະ ມະຫາວິທະຍາໄລພຸດທະສາສະໜານິກາຍຫິນະຍານມຽນມາສາກົນ ສອງຝ່າຍໄດ້ແລກປ່ຽນກັນກ່ຽວກັບວັດທະນະທຳ-ຮີດຄອງປະເພນີສາສະໜາ ແລະການຮ່ວມມືລະຫວ່າງສອງຝ່າຍ.
ທັງນີ້, ຕອນບ່າຍຂອງວັນດັ່ງກ່າວ, ຄະນະຜູ້ແທນຈີນກໍໄດ້ພົບປະກັບສະມາຊິກຄະນະກຳມະການພະເຖລະມຽນມາ ຢູ່ນະຄອນຢາງກຸ້ງ ໂດຍສອງຝ່າຍໄດ້ແລກປ່ຽນກັນກ່ຽວກັບສະພາບວັດວາອາຮາມພຸດທະສາສະໜາ, ພຸດທະສາສະນິກກະຊົນ, ຄວາມປອດໃສພາຍໃນສາສະໜາ ແລະການພັດທະນາແບບຍືນຍົງ ເປັນຕົ້ນ.
ທ່ານຈ່າງຢິນ ຫົວໜ້າສະຖາບັນຄົ້ນຄວ້າປະຫວັດສາດ ສູນຄົ້ນຄວ້າປະຫວັດສາດແລະວັດທະນະທຳເຜົ່າຈ້າງຈີນ ກ່າວວ່າ: ຈີນແລະມຽນມາເປັນມິດກັນມາແຕ່ດົນນານ, ສອງຝ່າຍມີການແລກປ່ຽນວັດທະນະທຳເປັນຢ່າງດີ. ສະນັ້ນ, ຈຶ່ງເຫັນວ່າ ຄະນະຜູ້ແທນແລກປ່ຽນວັດທະນະທຳເຜົ່າຈ້າງຈີນເດີນທາງຢ້ຽມຢາມມຽນມາເທື່ອນີ້ ຈະມີຜົນດີຕໍ່ການເສີມຂະຫຍາຍມິດຕະພາບລະຫວ່າງສອງປະເທດ.
ຈາກນັ້ນ, ຄະນະຜູ້ແທນຈີນ ກໍໄດ້ໄປຢ້ຽມຢາມມະຫາວິທະຍາໄລພຸດທະສາສະໜານິກາຍຫິນະຍານມຽນມາສາກົນ ໃນຕອນເຊົ້າມື້ດຽວກັນ.
