ພິທີເຊັນສັນຍາທ່ອງທ່ຽວລະຫວ່າງເຂດອ້ອມທະເລໂປໄຫ-ເຂດຊີຈ້າງ(ຕິເບດ) ກໍຄື ງານໂຄສະນາການທ່ອງທ່ຽວເຂດຊີ່ຈ້າງໃນລະດູໜາວທີ່ງາມຕະການຕາ 318 ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 18 ທັນວານີ້ ໂດຍທ່ານເວີ້ຍຫົງທ່າວ ຮອງຫົວໜ້າອົງການທ່ອງທ່ຽວແຫ່ງຊາດຈີນ ໄດ້ປາໄສວ່າ: ແຕ່ປີ 2018 ຫາປີ 2020, ຈະສົ່ງນັກທ່ອງທ່ຽວເຂົ້າເຂດປົກຄອງຕົນເອງຊີ່ຈ້າງ ຫຼື ເຂດຕິເບດ 20 ລ້ານເທື່ອຄົນຈາກແຂວງ, ກຳແພງນະຄອນ ທີ່ສັນຍາວ່າຈະຊ່ວຍຂະແໜງການທ່ອງທ່ຽວຂອງເຂດຊີ່ຈ້າງ.
ທ່ານເວີ້ຍຫົງທ່າວ ກ່າວວ່າ: ກອງປະຊຸມວຽກງານຊ່ວຍເຫຼືອຂະແໜງການທ່ອງທ່ຽວເຂດຊີ່ຈ້າງທົ່ວປະເທດ ໄດ້ຈັດຂຶ້ນຢູ່ເຂດຊີ່ຈ້າງໃນເດືອນກັນຍາຜ່ານມາ ໂດຍໄດ້ຊີ້ທິດທາງໃຫ້ແກ່ວຽກງານຊ່ວຍເຫຼືອຂະແໜງການທ່ອງທ່ຽວຂອງເຂດຊີ່ຈ້າງໃນຍຸກໃໝ່ ແລະໄດ້ສ້າງໂອກາດໃໝ່. ຂະນະທີ່ອົງການທ່ອງທ່ຽວແຫ່ງຊາດ ຈະອີງຕາມແຜນກຳນົດຂອງກອງປະຊຸມດັ່ງກ່າວ ຈັດຕັ້ງປະຕິບັດວຽກງານທຸກປະການ ເພື່ອຊ່ວຍເຂດຊີ່ຈ້າງພັດທະນາຕະຫຼາດທ່ອງທ່ຽວ ແລະສົ່ງເສີມການຈັດສົ່ງນັກທ່ອງທ່ຽວໄປທ່ຽວ ເພື່ອຊຸກຍູ້ຂະແໜງການທ່ອງທ່ຽວເຂດຊີ່ຈ້າງໃຫ້ພັດທະນາຢ່າງວ່ອງໄວແລະປອດໃສ.