ວັນທີ 18 ທັນວານີ້ຢູ່ນະຄອນຫຼວງປັກກິ່ງ ສປ ຈີນ, ທ່ານມາຢີມິງ ຮອງຫົວໜ້າເສນາທິການຂອງກອງເສນາທິການປະສົມຄະນະກຳມະການທະຫານສູນກາງຈີນໄດ້ພົບປະກັບຄະນະເຈົ້າໜ້າທີ່ທະຫານລະດັບສູງຂອງກຳປູເຈຍທີ່ກຳລັງຢ້ຽມຢາມ ສປ ຈີນນຳໂດຍທ່ານມັກ ຊາຣຸນ ຮອງຜູ້ບັນຊາການໃຫຍ່ກອງທັບກຳປູເຈຍ.
ທ່ານມາຢີມິງ ກ່າວວ່າ, ກຳປູເຈຍແມ່ນເພື່ອນທີ່ຈິງໃຈແລະໄວ້ວາງໃຈຂອງຈີນ. ພາຍໃຕ້ການນຳພາຂອງຜູ້ນຳສອງປະເທດ, ສາຍພົວພັນລະຫວ່າງສອງປະເທດແລະສອງກອງທັບໄດ້ລົງເລິກຢ່າງບໍ່ຢຸດຢັ້ງ. ກອງທັບຈີນຍິນດີຮ່ວມມືກັບກອງທັບກຳປູເຈຍ, ປະຕິບັດຄວາມເປັນເອກະພາບກັນທີ່ສຳຄັນຂອງຜູ້ນຳສອງປະເທດໃຫ້ດີ, ສະໜັບສະໜູນເຊິ່ງກັນແລະກັນ, ເປີດກວ້າງຂົງເຂດຮ່ວມມືຢ່າງບໍ່ຢຸດຢັ້ງ, ຍົກລະດັບການຮ່ວມມືໃຫ້ສູງຂຶ້ນ, ຊຸກຍູ້ຂະຫຍາຍສາຍພົວພັນລະຫວ່າງສອງປະເທດ, ຮັກສາສັນຕິພາບແລະສະຖຽນລະພາບຂອງພາກພື້ນ.
ທ່ານມັກ ຊາຣຸນ ກ່າວວ່າ, ປະເທດຕົນຖະທຸຖະໜອມມິດຕະພາບລະຫວ່າງກອງທັບສອງປະເທດຢ່າງໜັກແໜ້ນ. ລັດຖະບານແລະກອງທັບກຳປູເຈຍຍຶດໝັ້ນມິດຕະພາບຕໍ່ຈີນຕະຫຼອດມາ, ແລະຍິນດີລົງເລິກການແລກປ່ຽນແລະຮ່ວມມືກັບກອງທັບຈີນໃນຂົງເຂດຕ່າງໆ, ພ້ອມທັງຮັກສາຜົນປະໂຫຍດຮ່ວມກັນຂອງທັງສອງປະເທດ.
 |
