ກົມໃຫຍ່ດ່ານພາສີຈີນແຈ້ງໃຫ້ຊາບວ່າ, ບົນພື້ນຖານທີ່ໄດ້ບັນລຸເປົ້າໝາຍຫຼຸດເວລາຜ່ານດ່ານປະຈຳເດືອນໃຫ້ໜ້ອຍລົງ 1/3, ນັບແຕ່ເດືອນມັງກອນຫາເດືອນພະຈິກປີນີ້, ເວລາຜ່ານດ່ານຂອງສິນຄ້ານຳເຂົ້າໃນທົ່ວປະເທດແມ່ນ 16,7 ຊົ່ວໂມງ ໄດ້ສັ້ນກວ່າປີຜ່ານມາ 33,6%; ສິນຄ້າສົ່ງອອກແມ່ນ 1,13 ຊົ່ວໂມງ ໄດ້ສັ້ນກວ່າ 37%, ໝາຍຄວາມວ່າ, ເວລາຜ່ານດ່ານທັງຂາເຂົ້າແລະຂາອອກຂອງປີນີ້ ລ້ວນແຕ່ໄດ້ຫຼຸດລົງຫຼາຍກວ່າ 1/3 ເປັນຄັ້ງທຳອິດ ສາມາດບັນລຸເປົ້າໝາຍປະຈຳປີກ່ອນເວລາກຳນົດ.
ເນື່ອງຈາກໄດ້ຮັບຜົນປະໂຫຍດຈາກການປະຕິຮູບໃຫ້ການຜ່ານດ່ານທົ່ວປະເທດເປັນເອກະພາບກັນ, ການຈຳກັດເຂດແຄວ້ນໃນການຮ້ອງຂໍຜ່ານດ່ານ ໄດ້ຖືກຍົກເລີກ, ວິສາຫະກິດຈຶ່ງສາມາດເລືອກສະຖານທີ່ຮ້ອງຂໍແລະດ່ານຂາເຂົ້າຂາອອກໄດ້ດ້ວຍຕົນເອງ, ບວກກັບການນຳໃຊ້ຮູບການໃໝ່ໃນການເສຍພາສີ ເຊັ່ນ: ແຈ້ງແລະເສຍພາສີດ້ວຍຕົນເອງ ແລະອື່ນໆ, ຈຶ່ງເຮັດໃຫ້ຕົ້ນທຶນໃນການເຜີຍແຜ່ໂຄສະນາຂອງວິສາຫະກິດຫຼຸດໜ້ອຍລົງຕື່ມອີກ.
 |
