ທ່ານ ເຊບາສະຕິອັນ ພີເນຣາ ທີ່ໄດ້ຮັບເລືອກຕັ້ງເປັນປະທານາທິບໍດີຄົນໃໝ່ຂອງຈີເລ ໄດ້ໃຫ້ສຳພາດຕໍ່ນັກຂ່າວພາຍໃນແລະຕ່າງປະເທດຢູ່ເຮືອນຂອງຕົນໃນວັນທີ 18 ທັນວານີ້ ແລະຕອບຄຳຖາມຂອງນັກຂ່າວຂ່າວສານຊິນຮວາວ່າ: "ກ່ອນອື່ນ, ຂ້າພະເຈົ້າຂໍຂອບໃຈດ້ວຍຄວາມຈິງໃຈຕໍ່ຝ່າຍຈີນທີ່ຊົມເຊີຍການໄດ້ຮັບເລືອກຕັ້ງເປັນປະທານາທິບໍດີຂອງຂ້າພະເຈົ້າ. ຈີນເປັນຄູ່ການຄ້າໃຫຍ່ອັນດັບໜຶ່ງຂອງຈີເລ, ພວກເຮົາຕ້ອງເພີ່ມທະວີການພົວພັນກັບຈີນ, ບໍ່ພຽງແຕ່ຈະເປີດກວ້າງແລະລົງເລິກການໄປມາຫາສູ່ກັນດ້ານການຄ້າເທົ່ານັ້ນ, ຍັງຈະເພີ່ມທະວີການຮ່ວມມືກັບຈີນໃນຂົງເຂດການລົງທຶນ, ວິທະຍາສາດເຕັກນິກ ແລະການສ້າງພື້ນຖານໂຄງລ່າງ. ຂ້າພະເຈົ້າມີຄວາມເຫັນໄປໃນແງ່ດີຫຼາຍຕໍ່ການພັດທະນາສາຍພົວພັນສອງປະເທດໃນອະນາຄົດ ແລະ ມີຄວາມຫວັງຫຼາຍເຊັ່ນດຽວກັນ."
ໃນການລົງຄະແນນສຽງຮອບທີສອງຂອງການເລືອກຕັ້ງປະທານາທິບໍດີຈີເລທີ່ຈັດຂຶ້ນໃນວັນທີ 17 ທັນວານີ້, ທ່ານ ພິເນຣາ ຜູ້ສະໝັກຮັບເລືອກຕັ້ງຂອງພັກກ້າວໜ້າຈີເລ ເຊິ່ງເປັນສະຫະພັນພັກຝ່າຍຄ້ານເປັນກາງແລະຝ່າຍຂວາ, ອະດີດປະທານາທິບໍດີ ໄດ້ຮັບເລືອກຕັ້ງເປັນປະທານາທິບໍດີຊຸດໜ້າ ແລະ ທ່ານຈະດຳລົງຕຳແໜ່ງໃນວັນທີ 11 ມີນາປີໜ້າ.