ວັນທີ 19 ທັນວານີ້, ຢູ່ສູນຝຶກໝາຕຳຫຼວດຂອງພະແນກປ້ອງກັນຄວາມສະຫງົບຢູ່ເມືອງສືຢ້ຽນແຂວງຫູເປ ບັນດາໝາພັນຕ່າງໆພວມສະແດງທັດສະຄວາມສາມາດການສືບດົມຂອງມັນໃຕ້ການຊີ້ນຳຂອງນັກຝຶກສັດ. ຢູ່ສູນດັ່ງກ່າວໄດ້ມີໝາ 5 ສາຍພັນເຊັ່ນ: ໝາ Shepherd, English Springer Spaniel ແລະ Belgian Malinois ເປັນຕົ້ນທັງໝົດ 13 ໂຕ, ໂດຍຕົ້ນຕໍຝຶກແອບໄວ້ປະຕິບັດໜ້າທີ່ການຕິດຕາມໄລ່ລ່ານຳຈັບຢູ່ເຂດພູດອຍ ແລະຢູ່ໃນເມືອງ,ການສືບດົມວັດຖຸຕ້ອງສົງໄສ, ການຊອກຈັບຄົນຮ້າຍ,ການຊອກຄົ້ນລະເບີດ, ການກວດກາຄວາມປອດໄພ, ການປ້ອງກັນຄວາມຮຸນແຮງ, ການລາດຕະເວນ ແລະການຊອກຄົ້ນຫາຮອຍເລືອດແລະພາລະກິດອື່ນໆ. ຂ່າວແຈ້ງວ່າ: ກ່ອນຈະໄດ້ໝາໂຕໜຶ່ງທີ່ສາມາດອອກປະຕິບັດໜ້າທີ່ໄດ້ຕ້ອງຜ່ານການຝຶກຊ້ອມປະມານ 1 ປີ, ໃນໄລຍະຝຶກຊ້ອມແຕ່ລະມື້ພວກມັນຕ້ອງໄດ້ຮັບການຝຶກຊ້ອມຕາມຫຼັກວິຊາການ ໂດຍເນັ້ນຝຶກຊ້ອມຄວາມສາມາດໃນການປະຕິບັດໜ້າທີ່ຕາມຄຳສັ່ງແລະການຝຶກຊ້ອມລາຍການອື່ນໆເຊັ່ນການຊອກຄົ້ນຫາຢາເສບຕິດ,ລະເບີດແລະອື່ນໆ.