ວັນທີ 19 ທັນວານີ້, ທະນາຄານການລົງທຶນພື້ນຖານໂຄງລ່າງອາຊີ ຫຼື AIIBປະກາດຢູ່ນະຄອນຫຼວງປັກກິ່ງຈີນວ່າ: ໄດ້ຮັບຮອງ 4 ປະເທດເຂົ້າເປັນສະມາຊິກໃໝ່ຕື່ມອີກ ເຊັ່ນ: ສອງປະເທດໃນອາຊີ ຄື: ໝູ່ເກາະຄຸກ ແລະວານູອາຕູ; ສອງປະເທດນອກອາຊີ ຄື: ເບລາຣຸດຊີ ແລະເອກວາດໍ, ປັດຈຸບັນນີ້ ມີສະມາຊິກທັງໝົດ 84 ປະເທດ.
ພາຍຫຼັງຮັບຮອງແລ້ວ, 4 ປະເທດດັ່ງກ່າວຍັງຕ້ອງສຳເລັດການດຳເນີນຂັ້ນຕອນຕາມກົດໝາຍຂອງປະເທດຕົນ ແລະຕ້ອງສົມທົບທຶນງວດທຳອິດໃຫ້ທະນາຄານການລົງທຶນພື້ນຖານໂຄງລ່າງອາຊີ ຈຶ່ງສາມາດກາຍເປັນສະມາຊິກຢ່າງເປັນທາງການໄດ້. ຫຸ້ນສ່ວນຂອງ 4 ປະເທດນີ້ຈະຮັບຈາກຫຸ້ນສ່ວນທີ່AIIBກຽມໄວ້ລ່ວງໜ້າບໍ່ທັນແບ່ງປັນ.
ເຈົ້າໜ້າທີ່ຂອງທະນາຄານAIIBຢືນຢັນວ່າ: ໃນອະນາຄົດ, ທະນາຄານຕົນຍັງຍິນດີຕ້ອນຮັບປະເທດອື່ນໆທີ່ມີຄວາມຕ້ອງການເຂົ້າເປັນສະມາຊິກໃໝ່ຕື່ມອີກ.