ທະນາຄານໂລກໄດ້ເປີດເຜີຍ "ບົດສັງເຂບເສດຖະກິດຈີນ" ໃນວັນທີ 19 ທັນວານີ້ໂດຍຄາດວ່າປີນີ້ເສດຖະກິດຈີນຈະເຕີບໂຕ 6,8% ເຊິ່ງສູງຂຶ້ນ 0,1% ເມື່ອທຽບໃສ່ການຄາດໝາຍໃນເດືອນຕຸລາຜ່ານມາ.
ບົດດັ່ງກ່າວຊີ້ໃຫ້ເຫັນວ່າ, ພາຍໃຕ້ເບື້ອງຫຼັງທີ່ການຄ້າທົ່ວໂລກຟື້ນຕົວຄືນ, ການຄ້າສົ່ງອອກສຸດທິໄດ້ປະກອບສ່ວນຕໍ່ການເຕີບໂຕຂອງເສດຖະກິດຈີນເປັນເວລາ 3 ໄຕມາດລຽນຕິດ; ວິສາຫະກິດມີຄວາມໝັ້ນໃຈຫຼາຍຂຶ້ນ, ໂອກາດປະກອບອາຊີບເພີ່ມຂຶ້ນຢ່າງຕໍ່ເນື່ອງ, ທຶນຮອນທີ່ນຳໄປສູ່ຕ່າງປະເທດມີຄວາມສະຖຽນ ແລະ ເງິນຢວນຂອງຈີນກໍແຂງຄ່າຂຶ້ນ.
ທີ່ຈິງແລ້ວ, ນີ້ບໍ່ແມ່ນຄັ້ງທຳອິດທີ່ທະນາຄານໂລກມີຄວາມເຫັນໄປໃນແງ່ດີ. ເດືອນຕຸລາປີນີ້, ທະນາຄານໂລກເຄີຍໄດ້ເປີດເຜີຍ "ບົດລາຍງານ 6 ເດືອນຕົ້ນປີກ່ຽວກັບເສດຖະກິດພາກພື້ນອາຊີຕາເວັນອອກ ແລະ ປາຊີຟິກ" ໂດຍໄດ້ປັບຄາດໝາຍການເຕີບໂຕຂອງເສດຖະກິດຈີນໃນປີນີ້ຈາກ 6,5% ໃນເດືອນເມສາຂຶ້ນເປັນ 6,7%.