ກອງປະຊຸມວຽກງານເສດຖະກິດສູນກາງຈີນໄດ້ອັດລົງແລ້ວໃນວັນທີ 20 ທັນວານີ້ໂດຍໄດ້ວາງແຜນວຽກງານເສດຖະກິດປີ 2018 ໄວ້ດັ່ງນີ້: ນະໂຍບາຍເງິນຕາທີ່ໝັ້ນທ່ຽງຄວນຮັກສາລັກສະນະເປັນກາງ.
ກອງປະຊຸມດັ່ງກ່າວໄດ້ຮຽກຮ້ອງວ່າຕ້ອງຄວບຄຸມການສະໜອງເງິນຕາຢ່າງມີປະສິດທິຜົນ, ເຮັດໃຫ້ເງິນກູ້ສິນເຊື່ອແລະການລະດົມທຶນໃນສັງຄົມເຕີບໂຕຢ່າງສົມເຫດສົມຜົນ, ເຮັດໃຫ້ອັດຕາແລກປ່ຽນເງິນຢວນມີຄວາມໝັ້ນທ່ຽງໂດຍພື້ນຖານໃນລະດັບສົມເຫດສົມຜົນແລະດຸນດ່ຽງ, ສົ່ງເສີມຕະຫຼາດທຶນຫຼາຍລະດັບໃຫ້ຂະຫຍາຍຕົວຢ່າງປອດໃສເພື່ອຮັບໃຊ້ເສດຖະກິດທີ່ເປັນຮູບປະທຳໃຫ້ດີກວ່າເກົ່າແລະປ້ອງກັນບໍ່ໃຫ້ເກີດຄວາມສ່ຽງດ້ານລະບົບການເງິນຢ່າງເດັດຂາດ.
ທ່ານເຈິ່ງກ່າງ ຫົວໜ້າຫ້ອງການຄົ້ນຄວ້າທະນາຄານສະຖາບັນຄົ້ນຄວ້າການເງິນສະພາບັນດິດວິທະຍາສາດສັງຄົມຈີນກ່າວວ່າ: ຖ້າຢາກຫຼຸດປະລິມານເງິນກູ້ໃຫ້ໜ້ອຍລົງແລະປ້ອງກັນຄວາມສ່ຽງໃນການພັດທະນາເສດຖະກິດຂອງຈີນ, ກໍຕ້ອງມີສະພາບການເງິນທີ່ຄ່ອງຕົວແລະເໝາະສົມ, ຕ້ອງ ມີນະໂຍບາຍເງິນຕາທີ່ໝັ້ນທ່ຽງແລະຕໍ່ເນື່ອງ. ໃນຕໍ່ໜ້າ, ຕ້ອງເບິ່ງກວ້າງມອງໄກແລະຄວນປັບປຸງການຄຸ້ມຄອງສະພາບການເງິນໃຫ້ຄ່ອງຕົວແລະໝັ້ນທ່ຽງດີຂຶ້ນຕື່ມ.
