ແຫຼ່ງຂ່າວຈາກສູນໂຄງການສຳຫຼວດດວງຈັນແລະການບິນອະວະກາດຈີນ ໃຫ້ຮູ້ວ່າ: ໂຄງການ "ສາງເອີ 4 " ທີ່ນອນຢູ່ໃນໂຄງການສຳຫຼວດດວງຈັນຂອງຈີນ ມີແຜນຈະສົ່ງດາວທຽມຮັບສົ່ງສັນຍານ "ສາງເອີ 4" ໃນ 6 ເດືອນຕົ້ນປີ 2018 ແລະ 6 ເດືອນທ້າຍປີ ຈະສົ່ງຍານສຳຫຼວດ "ສາງເອີ 4".
ຂ່າວລາຍງານຕື່ມວ່າ: ໂຄງການ "ສາງເອີ 4" ຈະບັນລຸຜົນເປັນຈິງໃນການສົ່ງຍານສຳຫຼວດລົງຈອດພື້ນຜິວດວງຈັນເບື້ອງທີ່ບໍ່ມີແສງຕາເວັນ ແລະ ເຄື່ອນທີ່ສຳຫຼວດດວງຈັນເປັນຄັ້ງທຳອິດສຳລັບມວນມະນຸດ; ເຮັດສຳເລັດການວັດແທກໂລກແລະດວງຈັນ ແລະ ຮັບສົ່ງຂໍ້ມູນຜ່ານດາວທຽມຢູ່ຈຸດລາເກຣນກຽນ ຫຼື L2 ໂລກແລະດວງຈັນ ຂະນະດຽວກັນ ກໍຈະດຳເນີນການສຳຫຼວດແລະຄົ້ນຄວ້າວິທະຍາສາດທີ່ກ່ຽວຂ້ອງ.
ການນຳໃຊ້ດາວທຽມຮັບສົ່ງສັນຍານເພື່ອສາມາດສື່ສານກັນລະຫວ່າງໂລກກັບດວງຈັນເບື້ອງທີ່ບໍ່ມີແສງຕາເວັນ ແມ່ນຫົວຄິດປະດິດສ້າງຂອງຄົນຈີນ. ສຳລັບຈຸດຫຍຸ້ງຍາກອີກຈຸດໜຶ່ງໃນການປະຕິບັດໂຄງການ "ສາງເອີ 4" ກໍຄື ມະນຸດຢູ່ໂລກບໍ່ສາມາດສື່ສານໂດຍກົງກັບເບື້ອງທີ່ບໍ່ມີແສງຕາເວັນຂອງດວງຈັນໄດ້. ແຕ່ຜ່ານການສົ່ງດາວທຽມຮັບສົ່ງສັນຍານໄປສູ່ຈຸດ L2 ແລ້ວ ຈະເຮັດໃຫ້ດວງຈັນຕັ້ງຢູ່ລະຫວ່າງໂລກກັບດາວທຽມຮັບສົ່ງສັນຍານ ກໍຈະສາມາດແກ້ໄຂບັນຫາດັ່ງກ່າວໄດ້ຢ່າງມີປະສິດທິຜົນດ້ວຍຕົ້ນທຶນຕ່ຳ.