ຕາມຂ່າວCRI:ກອງປະຊຸມວຽກງານເສດຖະກິດສູນກາງຈີນທີ່ໄດ້ອັດລົງໃນວັນທີ 20 ທັນວານີ້ໄດ້ຊີ້ອອກວ່າ, ໃນປີ 2018, ຈີນຈະຫຍຶດໝັ້ນຫຼັກພື້ນຖານລວມທີ່ສະແຫວງຫາການພັດທະນາຢ່າງໜັກແໜ້ນ, ຈະປະຕິບັດນະໂຍບາຍການເງິນຢ່າງຕັ້ງໜ້າແລະບໍ່ປ່ຽນແປງ, ປັບປຸງໂຄງປະກອບລາຍຈ່າຍດ້ານການເງິນໃຫ້ດີຂຶ້ນກວ່າເກົ່າ, ຮັບປະກັນການສະໜັບສະໜູນຕໍ່ຂົງເຂດແລະໂຄງການທີ່ສຳຄັນ.
ປີ 2017, ການຫຼຸດພາສີ, ການຫຼຸດຄ່າທຳນຽບຕ່າງໆ, ເພີ່ມງົບປະມານເພື່ອແກ້ໄຂຈຸດອ່ອນ, ໄດ້ສ້າງຜົນປະໂຫຍດໃຫ້ແກ່ຊີວິດການເປັນຢູ່ຂອງປະຊາຊົນ, ຫຼາຍມາດຕະການນະໂຍບາຍການເງິນຢ່າງຕັ້ງໜ້າໄດ້ຮັບການຈັດຕັ້ງປະຕິບັດຢ່າງແທ້ຈິງ.
ທ່ານຫຼິວຊ້າງຊີ, ຫົວໜ້າສະຖາບັນຄົ້ນຄວ້າວິທະຍາສາດການເງິນຈີນກ່າວວ່າ, ກ້າວສູ່ປີ 2018, ຈີນຄວນສືບຕໍ່ປະຕິບັດນະໂຍບາຍການເງິນຢ່າງຕັ້ງໜ້າ, ຮັບປະກັນການຄ້ຳປະກັນຂົງເຂດສຳຄັນຕ່າງໆເຊັ່ນ: ການປະຕິຮູບໂຄງປະກອບດ້ານການສະໜອງ, ການຫຼຸດຜ່ອນຄວາມທຸກຍາກ, ການປ້ອງກັນແລະປັບປຸງແກ້ໄຂດ້ານການມົນລະພິດແລະຂົງເຂດສຳຄັນອື່ນໆ.