ຕາມຂ່າວCRI:ຊ່າງເຮັດໝີ່ຊື່ ຫຼີຫົງຄາຍ ທີ່ເມືອງຈື້ກົ້ງແຂວງເສສວນເຮັດໝີ່ດ້ວຍມືຄືເສັ້ນຜົມ, ຮູເຂັມສາມາດໃສ່ເສັ້ນໝີ່ໄດ້ 42 ເສັ້ນ. ຫຼີຫົງຄາຍເວົ້າວ່າ, ນີ້ແມ່ນໝີ່ຈີ່ນຊີ - ເຊິ່ງເປັນໝີ່ທີ່ໄດ້ປັບປຸງເພື່ອສ້າງຄວາມສົນໃຈເຊິ່ງແມ່ນອາຫານນ້ອຍພື້ນເມືອງທີ່ມີຊື່ສຽງຂອງແຂວງເສສວນ, ເສັ້ນໝີ່ມີຂະໜາດເສັ້ນຜ່າສູນກາງພຽງແຕ່ 0,067 ລີມີແມັດເທົ່ານັ້ນ.
ຂ່າວແຈ້ງວ່າ, ຊ່າງເຮັດໝີ່ ຫຼີຫົງຄາຍ ແມ່ນຜູ້ເລີ່ມປະດິດສ້າງ "ໝີ່ນ້ອຍທີ່ສຸດ"ດ້ວຍມື, ໃນປີ 2007 ໄດ້ຖືກຈັດເຂົ້າໃນ "ສະຖິຕິກິນເນສຊຽງໄຮ໋", ມາຮອດປັດຈຸບັນນີ້ໄດ້ຮັກສາສະຖິຕິໂລກກິນເນສຂອງ "ໝີ່ນ້ອຍທີ່ສຸດ".