ຫຼັງດຳເນີນງານມາແຕ່ວັນທີ 12 ທັນວານີ້, ງານຕະຫຼາດນັດຫີນຢົກແລະອັນຍະມະນີມຽນມາ 2017 ໄດ້ປິດລົງຢູ່ນະຄອນຫຼວງເນປີດໍໃນວັນທີ 21 ທັນວານີ້ ໂດຍມູນຄ່າຊື້ຂາຍໄດ້ເພີ່ມຂຶ້ນ 110.000.000 ເອີໂຣ ເມື່ອທຽບໃສ່ປີຜ່ານມາ ເຊິ່ງງານຕະຫຼາດນັດດັ່ງກ່າວໄດ້ດຶງດູດນັກທຸລະກິດອັນຍະມະນີຈີນຢ່າງຫຼວງຫຼາຍ.
ຮອງປະທານຄະນະກຳມະການແຜນການງານຄັ້ງນີ້ ໄດ້ກ່າວໃນພິທີປິດງານວ່າ: ມູນຄ່າຊື້ຂາຍໃນຕະຫຼາດນັດປີນີ້ບັນລຸເຖິງ 439.350.000 ເອີໂຣ ແລະສາມາດດຶງດູດນັກທຸລະກິດອັນຍະມະນີ 4.400 ກວ່າທ່ານຈາກວິສາຫະກິດຫີນຢົກແລະອັນຍະມະນີພາຍໃນແລະຕ່າງປະເທດ 1.600 ແຫ່ງເຂົ້າຮ່ວມ ໃນນີ້, ນັກທຸລະກິດອັນຍະມະນີຕ່າງປະເທດມີ 2.852 ຄົນ ແລະຈາກຈີນຫຼາຍກວ່າໝູ່.
ງານຕະຫຼາດນັດອັນຍະມະນີມຽນມາເລີ່ມຈັດຂຶ້ນເມື່ອປີ 1964 ແລະເປັນເວທີການຄ້າທີ່ສຳຄັນຂອງມຽນມາ.