ກອງປ້ອງກັນຝັ່ງທະເລຟີລິບປີນເປີດເຜີຍໃນວັນທີ 21 ທັນວານີ້ວ່າ, ເຮືອໂດຍສານລຳໜຶ່ງທີ່ບັນທຸກຜູ້ໂດຍສານ 251 ຄົນໄດ້ຫຼົ້ມຢູ່ເຂດທະເລນອກແຂວງຄູຊອນພາກເໜືອຟີລິບປີນໃນຕອນເຊົ້າມື້ດຽວກັນ, ໂຮງໝໍແຫ່ງໜຶ່ງຂອງແຂວງຄູຊອນຢືນຢັນວ່າ, ອຸບັດເຫດຄັ້ງນີ້ຢ່າງໜ້ອຍມີຜູ້ເສຍຊີວິດ 4 ຄົນ.
ໂຄສົກກອງປ້ອງກັນຝັ່ງທະເລຟີລິບປີນກ່າວວ່າ, ວັນທີ 21 ທັນວາເວລາ 8 ໂມງ 30 ນາທີຕາມເວລາທ້ອງຖິ່ນ, ເຮືອໂດຍສານດັ່ງກ່າວເດີນທາງອອກຈາກທ່າກຳປັ່ນແຫ່ງໜຶ່ງຂອງແຂວງຄູຊອນ, ຍ້ອນວ່າສະພາບການອາກາດບໍ່ດີ, ຈຶ່ງເປັນສາເຫດເຮັດໃຫ້ເຮືອຫຼົ້ມຫຼັງຈາກອອກເດີນທາງໄດ້ປະມານ 1 ຊົ່ວໂມງເທົ່ານັ້ນ. ປັດຈຸບັນກຳລັງເກັບຂໍ້ມູນຈຳນວນຜູ້ເສຍຊີວິດແລະບາດເຈັບ, ແລະເຮືອກູ້ໄພ 3 ລຳກໍໄດ້ເດີນທາງໄປບ່ອນເກີດອຸບັດເຫດແລ້ວເພື່ອກອບກູ້ຊີວິດ.
ສະຖານທູດຈີນປະຈຳຟີລິບປີນກ່າວວ່າ, ປັດຈຸບັນຍັງບໍ່ໄດ້ຮັບການລາຍງານວ່າໃນເຮືອໂດຍສານດັ່ງກ່າວມີປະຊາຊົນຈີນຫຼືບໍ່.
 |
