ວັນທີ 21 - 22 ທັນວານີ້, ທ່ານຫວາງເວີຍກວ່າງ ຜູ້ວ່າການສະຖາບັນຄົ້ນຄວ້າວິທະຍາສາດສັງຄົມຈີນພ້ອມດ້ວຍຄະນະໄດ້ຢ້ຽມຢາມມຽນມາ, ແລະພົບປະກັບທ່ານວິນມິນ ປະທານສະພາປະຊາຊົນຂອງລັດຖະສະພາມຽນມາແລະຜູ້ນຳພັກການເມືອງສຳຄັນຕ່າງໆ, ແລະເຂົ້າຮ່ວມງານເຜີຍແຜ່ເນື້ອໃນຈິດໃຈກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19, ແນະນຳແລະເຜີຍແຜ່ຂໍ້ມູນສຳຄັນຫຼາຍຢ່າງໃຫ້ແກ່ບຸກຄົນໃນວົງການຕ່າງໆຂອງມຽນມາເຊັ່ນພັກການເມືອງ, ອົງການສັງຄົມ, ຄັງປັນຍາ, ສື່ມວນຊົນແລະອື່ນໆ.
ໂອກາດດຽວກັນນີ້, ມຽນມາໄດ້ຍ້ອງຍໍຜົນສຳເລັດປະຫວັດສາດທີ່ຈີນໄດ້ຮັບພາຍໃຕ້ການນຳພາຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນເມື່ອກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 18 ມານີ້, ໄດ້ຕີລາຄາສູງຕໍ່ຄວາມໝາຍຄວາມສຳຄັນແລະຜົນສະທ້ອນອັນເລິກເຊິ່ງຍາວໄກຂອງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19. ວົງການຕ່າງໆຂອງມຽນມາຄ່ອງຄອຍເພື່ອຖອດຖອນບົດຮຽນໃນການບໍລິຫານປະເທດຂອງພັກກອມມູນິດຈີນຢ່າງເລິກເຊິ່ງ, ເພີ່ມທະວີການແລກປ່ຽນແລະຮ່ວມມືໃນຂົງເຂດຕ່າງໆລະຫວ່າງສອງປະເທດ, ຮ່ວມກັນຊຸກຍູ້ໃຫ້ສາຍພົວພັນມິດຕະພາບລະຫວ່າງສອງປະເທດກ້າວຂຶ້ນຢູ່ລະດັບໃໝ່ຢ່າງບໍ່ຢຸດຢັ້ງ.