ວັນທີ 22 ທັນວານີ້, ທ່ານໂດນັນ ທຣຳ ປະທານາທິບໍດີອາເມລິກາໄດ້ລົງນາມໃນຮ່າງກົດໝາຍວ່າດ້ວຍການຫຼຸດອາກອນທີ່ມີຂະໜາດໃຫຍ່ທີ່ສຸດ ໃນປະຫວັດສາດນັບແຕ່ປີ 1986 ເປັນຕົ້ນມາ ແລະກົດໝາຍດັ່ງກ່າວຈະເລີ່ມປະຕິບັດແຕ່ເດືອນມັງກອນປີ 2018 ເປັນຕົ້ນໄປ.
ທ່ານທຣຳກ່າວໃນພິທີລົງນາມວ່າ: ນີ້ເປັນກົດໝາຍທີ່ມີຜົນດີຕໍ່ຊົນຊັ້ນກາງແລະການສ້າງວຽກເຮັດງານທຳ.
ວັນທີ 20 ທັນວານີ້, ສະພາສູງແລະສະພາຕ່ຳອາເມລິກາໄດ້ຮັບຮອງເອົາກົດໝາຍສະບັບດັ່ງກ່າວ ຖືວ່າເປັນຜົນງານສຳຄັນໃນດ້ານນິຕິບັນຍັດຂອງທ່ານທຣຳໃນໄລຍະດຳລົງຕຳແໜ່ງເປັນປະທານາທິບໍດີອາເມລິກາປີທຳອິດ.
ຕາມກົດໝາຍດັ່ງກ່າວ, ອັດຕາອາກອນລາຍໄດ້ຂອງວິສາຫະກິດອາເມລິກາຈະຫຼຸດຈາກ 35% ໃນປັດຈຸບັນລົງເຫຼືອຮອດ 21%, ສຳລັບອາກອນລາຍໄດ້ສ່ວນບຸກຄົນ, ອັດຕາອາກອນສ່ວນຫຼາຍຈະຫຼຸດຕ່ຳລົງ.
ຕາມກຳມາທິການປະສົມອາກອນສະພາສູງແລະສະພາຕ່ຳອາເມລິກາຄາດຄະເນໃນເບື້ອງຕົ້ນ, ໃນ 10 ປີຕໍ່ໜ້າ, ກົດໝາຍດັ່ງກ່າວຈະເຮັດໃຫ້ຂຸມການເງິນສະຫະລັດອາເມລິກາເພີ່ມຂຶ້ນ 1460 ຕື້ໂດລາສະຫະລັດ.
 |
