ຕອນບ່າຍວັນທີ 22 ທັນວານີ້, ຢູ່ປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຢ້ຽມຄຳນັບທ່ານອາດາມາ ບາໂຣ ປະທານາທິບໍດີກຳບີທີ່ມາຢ້ຽມຢາມຈີນທາງລັດຖະກິດ.
ທ່ານຫຼີເຄີ້ສຽງກ່າວວ່າ, ຫວັງວ່າກຳບີຈະປະຕິບັດຕາມນະໂຍບາຍຈີນດຽວ. ຈີນຍິນດີເຮັດຕາມຫຼັກການທີ່ໂຄລົບເຊິ່ງກັນແລະກັນແລະປະຕິບັດຕໍ່ກັນຢ່າງສະເໝີພາບ, ຊຸກຍູ້ການພົວພັນລະຫວ່າງສອງປະເທດກ້າວໄປໜ້າ.
ທ່ານຫຼີເຄີ້ຫຽງຊີ້ອອກວ່າ, ຈີນຍິດີພິຈາລະນາເຖິງສະພາບຕົວຈິງແລະຈຸດພິເສດຂອງກຳບີ, ຂຸດຄົ້ນທ່າແຮງທີ່ສາມາດຊ່ວຍຊູຍູ້ໜູນກັນໄດ້ຢ່າງເຕັມທີ່, ຊຸກຍູ້ການຮ່ວມມືຕົວຈິງລະຫວ່າງສອງປະເທດໃນຂົງເຂດເຕັກນິກກະສິກຳ, ການປຸງແຕ່ງທາງການປະມົງ, ການສ້າງພື້ນຖານໂຄງລ່າງ, ການທ່ອງທ່ຽວແລະອື່ນໆ, ບັນລຸຕ່າງຝ່າຍຕ່າງມີຜົນປະໂຫຍດ.
ທ່ານບາໂຣກ່າວວ່າ, ກຳບີຂໍຂອບໃຈການສະໜັບສະໜູນແລະການຊ່ອຍເຫຼືອຂອງລັດຖະບານແລະປະຊາຊົນຈີນຕໍ່ກຳບີ. ກຳບີໃຫ້ຄວາມສຳຄັນໃນລະດັບສູງຕໍ່ການຂະຫຍາຍຕົວການພົວພັນກັບຈີນ, ຈະປະຕິບັດຕາມນະໂຍບາຍຈີນດຽວຢ່າງເດັດດ່ຽວໜຽວແໜ້ນ, ຍິນດີເພີ່ມທະວີການຮ່ວມມືກັບຈີນໃນຂົງເຂດກະສິກຳ, ການສ້າງພື້ນຖານໂຄງລ່າງ, ການທ່ອງທ່ຽວແລະອື່ນໆ, ຂຽນໜ້າໃໝ່ໃນປຶ້ມປະຫວັດການຂະຫຍາຍການພົວພັນລະຫວ່າງສອງປະເທດ.
