ວັນທີ 23 ທັນວານີ້, ໃນກອງປະຊຸມຜູ້ແທນພັກເຕົ້າໂຮມຣັດເຊຍເປັນເອກະພາບຄັ້ງທີ 17, ທ່ານວະລາດີເມຍ ປູຕິນ ປະທານາທິບໍດີຣັດເຊຍໄດ້ຊີ້ແຈງໜ້າທີ່ຕົ້ນຕໍທີ່ຣັດເຊຍຜະເຊີນ, ຄື, ຮັບປະກັນການພັດທະນາ, ລົບລ້າງປະຊາກອນຜູ້ທຸກຍາກ, ຊຸກຍູ້ເສດຖະກິດໃຫ້ເຕີບໂຕ ແລະ ຫັນໜ້າສູ່ອະນາຄົດ. ບຸກຄົນວົງການການເມືອງຂອງຣັດເຊຍເຫັນວ່າ, ສາມາດຖືເນື້ອໃນຂອງຄຳເຫັນທ່ານປູຕິນເປັນໂຄງການແຂງຂັນເລືອກຕັ້ງປະທານາທິບໍດີຂອງທ່ານໃນປີໜ້າໃນລະດັບໃດໜຶ່ງ.
ການເລືອກຕັ້ງປະທານາທິບໍດີຣັດເຊຍຈະຈັດຂຶ້ນໃນວັນທີ 18 ມີນາ ປີ 2018, ຫວ່າງມໍ່ໆນີ້, ທ່ານປູຕິນໄດ້ປະກາດຈະເຂົ້າຮ່ວມການເລືອກຕັ້ງໃນຖານະເປັນຜູ້ສະໝັກຮັບເລືອກຕັ້ງໂດຍບໍ່ຕາງໜ້າພັກຝາຍໃດ.
