ຕາມເວລາທ້ອງຖິ່ນ, ກອງປະຊຸມພົບປະລະຫວ່າງຜູ້ຕາງໜ້າພິເສດກ່ຽວກັບບັນຫາຊາຍແດນຈີນ-ອິນເດຍຄັ້ງທີ 20 ໄດ້ຈັດຂຶ້ນຢູ່ນະຄອນຫຼວງນິວແດນລີ ປະເທດອິນເດຍໃນວັນທີ 22 ທັນວານີ້ ໂດຍທ່ານຢ໋າງເຈ໋ສື ກຳມະການກົມການເມືອງສູນກາງພັກ, ທີ່ປຶກສາແຫ່ງລັດຈີນ ແລະ ທ່ານອາຈິດ ໂດວາວ ທີ່ປຶກສາດ້ານຄວາມໝັ້ນຄົງແຫ່ງຊາດອິນເດຍໄດ້ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບການພົວພັນລະຫວ່າງສອງປະເທດ, ບັນຫາຊາຍແດນລະຫວ່າງສອງປະເທດ ພ້ອມດ້ວຍບັນຫາສາກົນ ແລະ ພາກພື້ນທີ່ສອງຝ່າຍສົນໃນຮ່ວມກັນ.
ສອງຝ່າຍເຫັນວ່າ, ໂດຍການນຳພາຂອງຜູ້ນຳສອງປະເທດ, ການພົວພັນລະຫວ່າງຈີນ-ອິນເດຍໄດ້ຮັກສາທ່ວງທ່າຂະຫຍາຍຕົວຢ່າງໜັກແໜ້ນໃນຊຸມປີຜ່ານມາ. ລະຫວ່າງສອງປະເທດມີຈຸດຄືກັນຫຼາຍກວ່າຂໍ້ຂັດແຍ້ງຢ່າງຫຼວງຫຼາຍ. ການແກ້ໄຂບັນຫາຊາຍແດນໂດຍໄວສອດຄ່ອງກັບຜົນປະໂຫຍດພື້ນຖານຂອງສອງປະເທດ.
