ວັນທີ 23 ທັນວານີ້, ຮ້ານສັບພະສິນຄ້າແຫ່ງໜຶ່ງຢູ່ເມືອງດາວາວ ປະເທດຟິລິບປິນ ໄດ້ເກີດໄຟໄໝ້ ແລະຈົນຮອດຕອນເຊົ້າມື້ຕໍ່ມາຈຶ່ງສາມາດມອດໄຟໄດ້. ເຈົ້າເມືອງເມືອງດາວາວ ກ່າວໃນວັນທີ 24 ທັນວານີ້ວ່າ: ມີ 37 ຄົນຍັງຢູ່ໃນຮ້ານ, ໃນນັ້ນໄດ້ພົບສົບໜຶ່ງຄົນແລ້ວ ແລະຄາດວ່າອີກ 36 ຄົນກໍບໍ່ສາມາດທີ່ຈະເອົາຕົວລອດໄດ້.
ທັງນີ້ ເວລາປະມານ 9:30 ໂມງຂອງວັນທີ 23 ທັນວານີ້, ຮ້ານຂາຍເຟີນີເຈີແຫ່ງໜຶ່ງຢູ່ຊັ້ນ 3 ຂອງຮ້ານສັບພະສິນຄ້າສູງ 4 ຊັ້ນແຫ່ງໜຶ່ງ ໄດ້ເກີດໄຟໄໝ້ ແລະແຜ່ລາມຂຶ້ນໄປສູ່ຫ້ອງການບໍລິສັດໜຶ່ງຊື່ວ່າ "ສູນຮຽກເອີ້ນ" ທີ່ເຮັດວຽກຕະຫຼອດ 24 ຊົ່ວໂມງຢູ່ຊັ້ນ 4 ຢ່າງວ່ອງໄວ. ຈາກນັ້ນ, ລົດດັບເພີງກໍໄປຮອດສະຖານທີ່ເກີດເຫດຢ່າງວ່ອງໄວເພື່ອກູ້ໄພ ແຕ່ເນື່ອງຈາກໄຟໄໝ້ຮຸນແຮງຫຼາຍ ທັງມີຄວັນໄຟຕຶບໜາ, ພະນັກງານກູ້ໄພຈຶ່ງບໍ່ສາມາດເຂົ້າໄປໃນຫ້ອງການດັ່ງກ່າວໄດ້. ຕໍ່ມາອີກ 10 ກວ່າຊົ່ວໂມງຈຶ່ງສາມາດມອດໄຟໄດ້.
