ຫວ່າງມໍ່ໆມານີ້, ທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີໄທ ໄດ້ເນັ້ນໃຫ້ກະຊວງການຄ້າຕິດຕາມທ່າອ່ຽງລາຄາຜະລິດຕະພັນກະສິກຳທີ່ສຳຄັນຂອງປະເທດຕົນຢ່າງໃກ້ຊິດ ແລະ ສືບຕໍ່ຊຸກຍູ້ການສົ່ງອອກໃຫ້ເຕີບໂຕໃນປີ 2018.
ແຫຼ່ງຂ່າວຈາກໜັງສືພິມ "ຊິ່ງຊຽນຣື້ປ້າວ" ໃຫ້ຮູ້ວ່າ: ກະຊວງການຄ້າໄທໄດ້ເປີດເຜີຍຕົວເລກຫຼ້າສຸດ ໂດຍສະແດງໃຫ້ເຫັນວ່າ: ຂະແໜງການສົ່ງອອກຂອງໄທໃນເດືອນພະຈິກຜ່ານມາ ໄດ້ເຕີບໂຕ 13,36%. ທ່ານສົມຄິດ ຊີ້ວ່າ: ປັດຈຸບັນ, ຂະແໜງການສົ່ງອອກຂອງໄທມີທ່າອ່ຽງເຕີບໂຕຢ່າງຊັດເຈນ, ຂະນະທີ່ປີ 2018, ຄວນຈະສືບຕໍ່ສຸມໃສ່ສົ່ງເສີມການສົ່ງອອກຜະລິດຕະພັນຕ່າງໆ ໂດຍຕ້ອງສຸມກຳລັງຍູ້ໜູນວິສາຫະກິດຂະໜາດກາງແລະນ້ອຍເພື່ອຊຸກຍູ້ໃຫ້ການສົ່ງອອກເຕີບໂຕ.
ທ່ານສົມຄິດ ຍັງສະເໜີໃຫ້ລັດຖະກອນ ແລະ ຜູ້ຊ່ຽວຊານກະຊວງການຄ້າທີ່ອອກບຳນານແລ້ວນັ້ນ ຈົ່ງສືບຕໍ່ປະກອບຄຳຄິດຄຳເຫັນຕໍ່ການພັດທະນາເສດຖະກິດແຫ່ງຊາດ.
