ເພື່ອຕ້ອນຮັບບຸນຄຣິສມັດ, ທົ່ວປະເທດມາເລເຊຍໄດ້ເພີ່ມກຳລັງປ້ອງກັນຄວາມປອດໄພ, ເພື່ອບໍ່ໃຫ້ເກີດເຫດການໂຈມຕີແບບກໍ່ການຮ້າຍໃນໄລຍະບຸນຄຣິສມັດແລະບຸນປີໃໝ່ສາກົນ.
ຫວ່າງມໍ່ໆມານີ້, ທ່ານໂມຮະມັດ ຟູຈິ ຮະຣັນ ຜູ້ບັນຊາການໃຫຍ່ຕຳຫຼວດມາເລເຊຍກ່າວຢູ່ກົວລາລຳເປີວ່າ, ເຖິງວ່າປັດຈຸບັນບໍ່ມີຂ່າວລັບກ່ຽວກັບກຸ່ມກໍ່ການຮ້າຍຈະກໍ່ເຫດການໂຈມຕີໃນໄລຍະບຸນຄຣິສມັດແລະບຸນປີໃໝ່ສາກົນກໍຕາມ, ແຕ່ວ່າເຈົ້າໜ້າທີ່ຕຳຫຼວດຈະບໍ່ລົດລະ, ແລະຈະເພີ່ມທະວີການລາດຕະເວນຕະຫຼອດ 24 ຊົ່ວໂມງ, ເພື່ອບໍ່ໃຫ້ມີໂອກາດກໍ່ການໂຈມຕີໃດໆຂອງກຸ່ມກໍ່ການຮ້າຍ.
ສື່ມວນຊົນລາຍງານວ່າ, ທ່ນຟູຈິ ໄດ້ສັ່ງໃຫ້ແຂວງຕ່າງໆເພີ່ມທະວີກຳລັງປ້ອງກັນແລະຮຽກຮ້ອງໃຫ້ເຈົ້າໜ້າທີ່ຕຳຫຼວດຈົ່ງເພີ່ມທະວີການລາດຕະເວນຢູ່ໂບດຄິດສະຕຽນ, ບ່ອນຊຸມຊົນແລະສະຖານທູດປະຈຳມາເລເຊຍຂອງປະເທດທີ່ມີຄວາມສ່ຽງສູງ.