ກອງປະຊຸມວຽກງານຂົນສົ່ງຄົມມະນາຄົມທົ່ວປະເທດຈີນໄດ້ໃຫ້ຮູ້ໃນວັນທີ 25 ທັນວານີ້ວ່າ: ໃນ 5 ປີຜ່ານມາ, ການກໍ່ສ້າງຄົມມະນາຄົມສັງລວມຂອງຈີນໄດ້ຮັບການພັດທະນາຢ່າງໝັ້ນທ່ຽງ,ບັນລຸການພັດທະນາແບບກ້າວກະໂດດ. 4 ຕົວເລກດັດຊະນີຊີ້ໃຫ້ເຫັນວ່າ:ການດຳເນີນວຽກງານຄົມມະນາຄົມຂອງທາງລົດໄຟຄວາມໄວສູງ, ທາງດ່ວນ,ລົດລາງໃນເມືອງແລະປະລິມານການເຂົ້າທຽບທ່າກຳປັ່ນນ້ຳເລິກ ລ້ວນແຕ່ຕິດອັນດັບ 1 ຂອງໂລກ.
ໃນ 5 ປີຜ່ານມາ,ການກໍ່ສ້າງແລະຂະຫຍາຍທາງລົດໄຟໄດ້ເພີ່ມຂຶ້ນ 27.000 ກິໂລແມັດ, ທາງລົດໄຟຄວາມໄວສູງປົກຄຸມຕົວເມືອງທີ່ມີຈຳນວນປະຊາກອນລ້ານກວ່າຄົນ 65% ຂຶ້ນໄປ. ໄລຍະທາງລວມຂອງທາງຫຼວງເພີ່ມຂຶ້ນປະມານ 534.000 ກິໂລແມັດ, ທາງດ່ວນປົກຄຸມຕົວເມືອງທີ່ມີປະຊາກອນ 200.000 ຄົນກໍຄືສູນບໍລິຫານງານຂັ້ນທ້ອງຖິ່ນເປັນ 97%. ສະໜາມບິນບໍລິການຂົນສົ່ງພົນລະເຮືອນມີເຖິງ 229 ແຫ່ງ ໂດຍປົກຄຸມນະຄອນ 88,5% ແລະເມືອງ 76,5% ໃນທົ່ວປະເທດ.
 |
