ວັນທີ 25 ທັນວານີ້, ຕາມການລາຍງານຂອງນັກຂ່າວແຈ້ງໃຫ້ຮູ້ວ່າ: ກອງປະຊຸມເທື່ອທີໜຶ່ງຂອງຄະນະກຳມະການຊີ້ນຳກອງປະຊຸມໃຫຍ່ຂໍ້ມູນຂ່າວສານພູມສາດໂລກຂອງອົງການສະຫະປະຊາຊາດທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ເຫັນດີວ່າ: ກອງປະຊຸມໃຫຍ່ຂໍ້ມູນຂ່າວສານພູມສາດໂລກອົງການສປຊຄັ້ງທຳອິດຈະຈັດຂຶ້ນຢູ່ເມືອງເຕີຊິ່ງແຂວງເຈີ້ຈ່ຽງໃນເດືອນພະຈິກປີ 2018.
ທ່ານລິວເຈີ້ມິນ ຮອງເລຂາທິການໃຫຍ່ອົງການສະຫະປະຊາຊາດກ່າວວ່າ: ກອງປະຊຸມນີ້ຈະແລກປ່ຽນຄວາມຄິດເຫັນກ່ຽວກັບຄວາມຄືບໜ້າໃໝ່ໃນຂົງເຂດວັດແທກຂໍ້ມູນພູມສາດ ແລະທ່າອ່ຽງການພັດທະນາໃນອານາຄົດ, ປຶກສາຫາລືມາດຕະການຕໍ່ຂໍ້ມູນພູມສາດ ເພື່ອຄ້ຳຊູການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດ ທັງສະເໜີຂໍ້ລິເລີ່ມໃຫ້ບັນດາປະເທດ ແລະທົ່ວໂລກຮັບມືກັບສິ່ງທ້າທາຍຮ່ວມກັນ.