ກອງປະຊຸມເທື່ອທີສອງຂອງສະພາປະຊາຊົນສະໄໝທີ 2 ເມືອງຢຽນຊິ້ງ ນະຄອນຫຼວງປັກກິ່ງແຈ້ງໃຫ້ຊາບວ່າ: ເພື່ອຮັບປະກັນການຈັດງານກິລາໂອລິມປິກລະດູໜາວປີ 2022 ແລະ ງານວາງສະແດງການຈັດພືດສວນໂລກ 2019 ໃຫ້ປະສົບຜົນສຳເລັດທີ່ດີ, ຕາມແຜນການ, ທາງດ່ວນຊິງຢຽນແລະທາງດ່ວນຢຽນສົງຍ່ານທົ່ງພຽງຈະເປີດນຳໃຊ້ໃນທ້າຍປີ 2018 ແລະທາງລົດໄຟຄວາມໄວສູງປັກກິ່ງ-ຈ່າງເຈຍໂຂວຈະເປີດນຳໃຊ້ໃນທ້າຍປີ 2019. ຂະນະດຽວກັນ, ກໍໄດ້ສຳເລັດການສ້າງສະຖານີອຸຕຸນິຍົມອັດຕະໂນມັດຂອງສະໜາມແຂ່ງຂັນ 8 ແຫ່ງຢູ່ເມືອງຢຽນຊິ້ງທີ່ເປັນສະຖານທີ່ຈັດການແຂ່ງຂັນກິລາໂອລິມປິກລະດູໜາວປີ 2022 ແລະໄດ້ເລີ່ມເຮັດວຽກການເກັບກຳຂໍ້ມູນທຸກເວລາແລະການສົ່ງຂໍ້ມູນຂ່າວສານຕາມເວລາກຳນົດແລ້ວ.