ອິນໂດເນເຊຍຈະເກັບກຳຂໍ້ມູນການຄ້າເອເລັກໂຕຣນິກຢ່າງຮອບດ້ານ ນັບແຕ່ເດືອນມັງກອນປີ 2018 ເປັນຕົ້ນໄປ.
ທັງນີ້ ທ່ານເກຄຸກ ຊູຮາຣີຢານໂຕ ຫົວໜ້າອົງການສະຖິຕິສູນກາງອິນໂດເນເຊຍ ໄດ້ເປີດເຜີຍເມື່ອບໍ່ດົນມານີ້ວ່າ: ຈະຕ້ອງເກັບກຳຂໍ້ມູນຕົ້ນຕໍລວມທັງຈຳນວນຊື້ຂາຍ, ວິທີການຊຳລະເງິນ, ລາຍຊື່ສິນຄ້າ, ຂໍ້ມູນພື້ນຖານຂອງຜູ້ຊື້ ແລະ ຜູ້ຂາຍ ເຊິ່ງການໃຊ້ມາດຕະການດັ່ງກ່າວກໍເພື່ອຈະສາມາດກຳທ່າອ່ຽງການພັດທະນາຂອງເສດຖະກິດດີຈີຕອນໃຫ້ໄດ້ດີກວ່າເກົ່າ ແລະ ຮັບໃຊ້ການວາງນະໂຍບາຍຄວບຄຸມ.
ນັກວິເຄາະການຕະຫຼາດເຫັນວ່າ, ມາດຕະການດັ່ງກ່າວໄດ້ສະແດງໃຫ້ເຫັນວ່າ ລັດຖະບານອິນໂດເນເຊຍຈະສືບຕໍ່ເພີ່ມທະວີການຊີ້ນຳແລະຕິດຕາມຄຸ້ມຄອງເສດຖະກິດດີຈີຕອນ ໂດຍສະເພາະຂົງເຂດການຄ້າເອເລັກໂຕຣນິກ ແລະ ການເງິນເອເລັກໂຕຣນິກ ແລະໃນປີ 2018, ຈະສືບຕໍ່ຈຳກັດເງື່ອນໄຂການອອກໃບອະນຸຍາດດຳເນີນທຸລະກິດເງິນຕາເອເລັກໂຕຣນິກ ພ້ອມທັງຈະຫ້າມບໍ່ໃຫ້ນຳໃຊ້ເງິນບິດຄອນ(BTC).