ທ່ານທີຣຸມາໄລໂຊມູ ນັກວິເຄາະອາວຸໂສຂອງໜັງສືພິມ "ດີນາທັນທີ" ທີ່ພິມຈຳໜ່າຍຫຼາຍກວ່າໝູ່ຢູ່ອິນເດຍ ໄດ້ລະບຸໃນບົດວິເຄາະຂອງຕົນຫວ່າງມໍ່ໆນີ້ວ່າ: ເຊື່ອວ່າ ຫຼັງກອງປະຊຸມຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ແລະ ພາຍໃຕ້ການນຳພາຂອງສູນກາງພັກກອມມູນິດຈີນທີ່ມີທ່ານສີຈິ້ນຜິງ ເປັນໃຈກາງ ຈີນຈະເຂົ້າສູ່ຍຸກໃໝ່ແຫ່ງການພັດທະນາຢ່າງແຂງແຮງ.
ບົດວີເຄາະຂອງທ່ານທີຣູມາໄລໂຊມູ ຍົກໃຫ້ເຫັນວ່າ: ຖ້າວ່າການພັດທະນາແລະຄວາມກ້າວໜ້າຂອງປະເທດໜຶ່ງແມ່ນອາໄສລະດັບການພັດທະນາເຕັກນິກການອອກແຮງງານຂອງປະຊາຊົນແລ້ວ ຖ້າຫາກວ່າ, ປະເທດໃດໜຶ່ງທີ່ກ້າວເຂົ້າສູ່ໃຈກາງເວທີໂລກກໍຄວນອາໄສຜູ້ນຳທີ່ເຂັ້ມແຂງ, ມີອິດທິພົນ ແລະ ມີແນວຄິດເບິ່ງກວ້າງເຫັນໄກຜູ້ໜຶ່ງ. ຂະນະທີ່ຈີນກໍຄືປະເທດໜຶ່ງທີ່ອາໄສການນຳພາຂອງທ່ານສີຈິ້ນຜິງ ພ້ອມດ້ວຍຄວາມພະຍາຍາມຢ່າງບໍ່ລົດລະຂອງປະຊາຊົນຈີນ ແລະນັບມື້ນັບກ້າວເຂົ້າສູ່ໃຈກາງເວທີໂລກ ທັງຢູ່ໃນຖານະນຳໜ້າໂລກໃນຂົງເຂດຕ່າງໆ ເຊັ່ນ ການພັດທະນາວິທະຍາສາດ, ເຕັກໂນໂລຊີ ແລະ ການທະຫານ. ຂະນະທີ່ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະ ກົນໄກການຮ່ວມມືບຣິກສ໌ ທີ່ໄດ້ຮັບຜົນສຳເລັດຕະຫຼອດມານັ້ນ ກໍໄດ້ສະແດງໃຫ້ເຫັນເຖິງບົດບາດທີ່ສຳຄັນຂອງເສດຖະກິດ ແລະ ການຕ່າງປະເທດຂອງຈີນທີ່ມີຕໍ່ໂລກ.