ທ່ານ ວາງເຫວີຍກວ່າງ ຫົວໜ້າສະຖາບັນວິທະຍາສາດສັງຄົມຈີນໄດ້ນຳພາຄະນະຜູ້ແທນພັກກອມມູນິດຈີນເດີນທາງໄປຢ້ຽມຢາມກຳປູເຈຍໃນວັນທີ 23 ຫາວັນທີ 26 ທັນວານີ້ ໂດຍໄດ້ພົບປະກັບທ່ານ ໄຊຊຸມ ຮອງປະທານພັກປະຊາຊົນ ປະທານສະພາຕ່ຳຂອງກຳປູເຈຍ, ທ່ານ ເຕບໂງ່ນ ກຳມະການປະຈຳສູນກາງພັກປະຊາຊົນ ຮອງປະທານຜູ້ທີ 1 ຂອງສະພາຕ່ຳກຳປູເຈຍ ແລະ ທ່ານ ໂນໂຣດົມ ຣະນາຣິດ ປະທານພັກຟຸນຊິນເປັກກຳປູເຈຍ, ແລະໄດ້ຈັດກອງປະຊຸມສະເໜີຫົວຂໍ້ຕົ້ນຕໍກ່ຽວກັບເນື້ອໃນຈິດໃຈຂອງກອງປະຊຸມໃຫຍ່ຂອງພັກກອມມູນິດຈີນຄັ້ງທີ 19 ໃຫ້ແກ່ພັກການເມືອງທີ່ສຳຄັນ,ສະພາຜູ້ຊົງຄຸນວຸດທິແລະສື່ມວນຊົນຂອງກຳປູເຈຍ ໂດຍຕົ້ນຕໍໄດ້ບັນລະຍາຍແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ທີ່ທ່ານ ສີຈິ້ນຜິງ ປະທານປະເທດຈີນສະເໜີອອກ.
ວົງການຕ່າງໆຂອງກຳປູເຈຍໄດ້ຕີລາຄາສູງຕໍ່ການປະກອບສ່ວນທີ່ສຳຄັນແລະມີຄວາມໝາຍທົ່ວໂລກຂອງກອງປະຊຸມໃຫຍ່ຂອງພັກກອມມູນິດຈີນຄັ້ງທີ 19 ແລະກ່າວວ່າຍິນດີຖືໂອກາດນີ້ ເລັ່ງລັດການເຊື່ອມຕໍ່ຍຸດທະສາດດ້ານການພັດທະນາລະຫວ່າງສອງປະເທດ,ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ຂະຫຍາຍຕົວເຂົ້າສູ່ລວງເລິກຢ່າງບໍ່ຢຸດຢັ້ງ.