ໜັງສືພິມເສດຖະກິດລາຍວັນລາຍງານວ່າ, ກອງປະຊຸມວຽກງານພະລັງງານທົ່ວປະເທດຈີນ 2018 ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 26 ທັນວານີ້, ທ່ານນົວ ປາຍເຄີລີ ຫົວໜ້າອົງການພະລັງງານແຫ່ງຊາດຈີນເປີດເຜີຍວ່າ, ຄາດວ່າໝົດປີ 2017, ຍອດຈຳນວນການຜະລິດພະລັງງານທົ່ວປະເທດຈະບັນລຸເທົ່າກັບຖ່ານຫີນມາດຕະຖານ 3 ຕື້ 600 ລ້ານໂຕນ, ໃນນັ້ນພະລັງງານໝູນວຽນໄດ້ກວມ 17,6%, ທຽບໃສ່ໄລຍະດຽວກັນປີ 2012 ເພີ່ມຂຶ້ນ 6,4%. ຍອດຈຳນວນຄວາມສາມາດຜະລິດໄຟຟ້າມີເຖິງ 1 ຕື້ 770 ລ້ານກິໂລວັດ, ໃນນັ້ນຄວາມສາມາດຜະລິດໄຟຟ້າດ້ວຍພະລັງງານໝູນວຽນໄດ້ກວມ 38,1%, ທຽບໃສ່ໄລຍະດຽວກັນປີ 2012 ເພີ່ມຂຶ້ນ 9,6%, ແມ່ນໄລຍະເພີ່ມຂຶ້ນໄວທີ່ສຸດໃນປະຫວັດສາດ.
ປີ 2017, ຍອດຈຳນວນຄວາມສາມາດຜະລິດໄຟຟ້າດ້ວຍພະລັງງານໝູນວຽນບັນລຸເຖິງ 656 ລ້ານກິໂລວັດ, ເຮັດໃຫ້ຄວາມສາມາດຜະລິດໄຟຟ້າດ້ວຍພະລັງນ້ຳ, ພະລັງລົມ, ພະລັງແສງຕາເວັນແລະພະລັງນິວເຄຼຍເປັນອັບດັນໜຶ່ງໃນໂລກ, ກາຍເປັນຜູ້ນຳໜ້າໃນການພັດທະນາພະລັງງານໝູນວຽນຂອງໂລກ.