ອົງການສະຖິຕິແຫ່ງຊາດຫວຽດນາມໄດ້ເປີດເຜີຍຂໍ້ມູນໃນວັນທີ 27 ທັນວານີ້ວ່າ: ຄາດວ່າ ລວມຍອດຜະລິດຕະພັນພາຍໃນຫຼື GDP ຂອງຫວຽດນາມໃນປີ 2017 ຈະເພີ່ມຂຶ້ນ 6,81%, ຫຼາຍກວ່າເປົ້າໝາຍທີ່ຄາດໄວ້ 6,7%.
ຫວ່າງມໍ່ໆມານີ້, ທະນາຄານໂລກໄດ້ເຜີຍແຜ່ບົດລາຍງານສະພາບການພັດທະນາເສດຖະກິດຫວຽດນາມສະບັບໃໝ່ຊີ້ໃຫ້ເຫັນວ່າ: ຄວາມຕ້ອງການພາຍໃນທີ່ເຂັ້ມແຂງ,ການສົ່ງອອກອຸດສາຫະກຳການຜະລິດທີ່ເຂັ້ມແຂງກໍຄືພາກສ່ວນກະສິກຳທີ່ຟື້ນຟູເປັນປົກກະຕິເປັນເທື່ອລະກ້າວໄດ້ກາຍເປັນພະລັງແຮງສຳຄັນທີ່ຊຸກຍູ້ການເຕີບໂຕຂອງເສດຖະກິດຫວຽດນາມ.
ກະຊວງແຜນການແລະການລົງທຶນຫວຽດນາມໄດ້ເປີດເຜີຍຂໍ້ມູນຫຼ້າສຸດວ່າ: ປີ 2017, ຫວຽດນາມໄດ້ດຶງດູດການລົງທຶນຕ່າງປະເທດໂດຍກົງຫຼາຍກວ່າ 35 ຕື້ໂດລາສະຫະລັດ,ມູນຄ່າການລົງທຶນຕົວຈິງມີເຖິງ 17 ຕື້ໂດລາສະຫະລັດ.
ຂ່າວແຈ້ງຕື່ມວ່າ: ສະພາແຫ່ງຊາດຫວຽດນາມໄດ້ຮັບຮອງມະຕິໃນເດືອນຜ່ານມາ ໄດ້ຕັ້ງເປົ້າໝາຍການເຕີບໂຕຂອງ GDP ປີ 2018 ເປັນ 6,5% ຫາ 6,7%.