ຫວ່າງມໍ່ໆມານີ້, ສູນກາງພັກກອມມູນິດຈີນໄດ້ພິມຈຳໜ່າຍ "ຂໍ້ຕົກລົງກ່ຽວກັບການປັບປຸງໂຄງປະກອບການນຳພາແລະບັນຊາກອງຕຳຫຼວດປະກອບອາວຸດປະຊາຊົນຈີນຂອງສູນການພັກກອມມູນິດຈີນ", ເລີ່ມແຕ່ສູນໂມງວັນທີ 1 ມັງກອນປີ 2018 ເປັນຕົ້ນໄປ, ກອງຕຳຫຼວດປະກອບອາວຸດຈະນຳພາໂດຍສູນກາງພັກແລະຄະນະກຳມະການການທະຫານສູນກາງ, ຈະປະຕິບັດໂຄງປະກອບບັນຊາແບບຄະນະກຳມະການການທະຫານນຳພາກອງຕຳຫຼວດປະກອບອາວຸດແລະກອງຕຳຫຼວດບັນຊາໂດຍຜູ້ນຳກອງຕຳຫຼວດ.
ຂໍ້ຕົກລົງດັ່ງກ່າວຊີ້ໃຫ້ເຫັນວ່າ, ກອງຕຳຫຼວດປະກອບອາວຸດຂຶ້ນກັບຄະນະກຳມະການການທະຫານສູນກາງ, ບໍ່ຂຶ້ນກັບລັດຖະບານອີກ. ການກໍ່ສ້າງກອງຕຳຫຼວດປະກອບອາວຸດຈະຈັດຕັ້ງແລະນຳພາຕາມການພົວພັນໂຄງຮ່າງທີ່ກຳນົດໂດຍຄະນະກຳມະການການທະຫານສູນກາງ. ພາກສ່ວນທີ່ກ່ຽວຂ້ອງຂອງສູນກາງພັກແລະລັດຖະບານ, ຄະນະພັກແລະອົງການປົກຄອງທ້ອງຖິ່ນທຸກຂັ້ນຄວນສ້າງກົນໄກປະສານງານວຽກງານກັບກອງຕຳຫຼວດປະກອບອາວຸດທຸກຂັ້ນ.