ພິທີເລີ່ມເຮັດວຽກຂອງສູນການຮ່ວມມືການປະຕິບັດກົດໝາຍແລະຄວາມໝັ້ນຄົງແມ່ນ້ຳລ້ານຊ້າງ-ແມ່ນ້ຳຂອງໄດ້ຈັດຂຶ້ນຢູ່ນະຄອນຄຸນໝິງແຂວງຢຸນນານ ສປ ຈີນໃນວັນທີ 28 ທັນວານີ້ ເຊິ່ງເປັນຂີດໝາຍສະແດງໃຫ້ເຫັນວ່າ ອົງການຈັດຕັ້ງສາກົນການຮ່ວມມືລະຫວ່າງລັດຖະບານດ້ານການປະຕິບັດກົດໝາຍແລະຄວາມໝັ້ນຄົງອົງການທຳອິດໃນເຂດລ້ອງແມ່ນ້ຳລ້ານຊ້າງ-ແມ່ນ້ຳຂອງ ເລີ່ມເຄື່ອນໄຫວຢ່າງເປັນທາງການແລ້ວ. ທ່ານຫຼິວເຢ້ຈິ້ນ ສະມາຊິກຄະນະພັກກະຊວງປ້ອງກັນຄວາມສະຫງົບຈີນ, ຜູ້ຮັບຜິດຊອບຕ້ານການກໍ່ການຮ້າຍ ໄດ້ກ່າວປາໄສໃນພິທີດັ່ງກ່າວວ່າ: ການສ້າງຕັ້ງສູນຮ່ວມມືການປະຕິບັດກົດໝາຍແລະຄວາມໝັ້ນຄົງແມ່ນ້ຳລ້ານຊ້າງ-ແມ່ນ້ຳຂອງໄດ້ມີຄວາມໝາຍສຳຄັນເປັນຂີດໝາຍໃນປະຫວັດສາດໃນການຮ່ວມມືດ້ານການປະຕິບັດກົດໝາຍແລະຄວາມໝັ້ນຄົງໃນເຂດລ້ອງແມ່ນ້ຳລ້ານຊ້າງ-ແມ່ນ້ຳຂອງ ແລະແມ່ນຍອດແຫ່ງສະຕິປັນຍາຂອງລັດຖະບານປະເທດຕ່າງໆໃນການຮັບມືກັບສິ່ງທ້າທາຍຈາກຄວາມສ່ຽງແລະການປ່ຽນແປງຂອງສະຖານະການຄວາມໝັ້ນຄົງໃນພາກພື້ນ.
ຜູ້ແທນບັນດາປະເທດທີ່ເຂົ້າຮ່ວມພິທີດັ່ງກ່າວ ໄດ້ເປັນເອກະພາບກັນຢືນຢັນຕໍ່ຈີນທີ່ໄດ້ຕັ້ງໜ້າປະກອບສ່ວນເພື່ອສ້າງຕັ້ງສູນດັ່ງກ່າວໃນຖານະເປັນປະເທດເຈົ້າພາບ ແລະກ່າວວ່າ ຍິນດີຮ່ວມກັບຈີນເສີມສ້າງສະຕິການຮ່ວມມື, ການແລກປ່ຽນ ແລະ ປະສານງານ ທັງເພີ່ມ ຊັບພະຍາກອນດ້ານຕ່າງໆເຂົ້າໃສ່ການຮ່ວມມືດັ່ງກ່າວໃນຕໍ່ໜ້າ ເພື່ອຊຸກຍູ້ສູນຮ່ວມມືການປະຕິບັດກົດໝາຍແລະຄວາມໝັ້ນຄົງແມ່ນ້ຳລ້ານຊ້າງ-ແມ່ນ້ຳຂອງໃຫ້ພັດທະນາຢ່າງໝັ້ນທ່ຽງແລະຕໍ່ເນື່ອງ ແລະກາຍເປັນສິ່ງຄ້ຳປະກັນການພັດທະນາໂດຍສັນຕິຂອງພາກພື້ນ.
