ມະຫາວິທະຍາໄລຫໍການຄ້າໄທ ໄດ້ເຜີຍໃນວັນທີ 28 ທັນວານີ້ວ່າ: ອີງຕາມການສຳຫຼວດການບໍລິໂພກຂອງປະຊາຊົນໃນໄລຍະປີໃໝ່ 2018 ປາກົດວ່າ ຄົນໄທອາດຈະໃຊ້ຈ່າຍໃນການບໍລິໂພກເຖິງ 132 ຕື້ບາດໃນໄລຍະປີໃໝ່ນີ້ ເຊິ່ງເປັນສະຖິຕິໃໝ່ໃນຮອບ 13 ປີຜ່ານມາ.
ມະຫາວິທະຍາໄລຫໍການຄ້າໄທ ເຫັນວ່າ ສາເຫດດັ່ງກ່າວຕົ້ນຕໍແມ່ນ ປະຊາຊົນໄທເຫັນວ່າ ເສດຖະກິດແຫ່ງຊາດຕົນກຳລັງດີຂຶ້ນ ແລະ ຍິນດີນຳໃຊ້ເງິນອອມສິນແລະເງິນເດືອນຂອງຕົນໄປຊື້ສິນຄ້າແລະການບໍລິການທີ່ຖືກໃຈໃນໄລຍະປີໃໝ່ ນອກນີ້ ກໍຍິນດີບໍລິໂພກໃນດ້ານການທ່ອງທ່ຽວເຊັ່ນດຽວກັນ ເຊິ່ງຈະຊ່ວຍໃຫ້ຈັງຫວະການເຕີບໂຕຂອງເສດຖະກິດໄທໃນປີນີ້ເພີ່ມຈາກ 3,9% ທີ່ຄາດໄວ້ຂຶ້ນເປັນ 4%.