ໜັງສືພິມເສດຖະກິດລາຍວັນລາຍງານວ່າ: ກອງປະຊຸມວຽກງານຊັບພະຍາກອນມະນຸດແລະປະກັນສັງຄົມທົ່ວປະເທດໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 28 ທັນວານີ້. ຂ່າວແຈ້ງວ່າ, ໃນ 5 ປີຜ່ານມາຫຼັງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 18 ມານີ້, ຕົວເມືອງຈີນໄດ້ສ້າງວຽກເຮັດງານທຳໄດ້ຫຼາຍກວ່າ 65 ລ້ານຄົນ, ອັດຕາວ່າງງານທີ່ໄດ້ລົງທະບຽນແລະໃນຜົນການສຳຫຼວດລ້ວນແຕ່ຢູ່ລະດັບຕ່ຳສົມຄວນ, ອັດຕາການປະກອບອາຊີບເຮັດຂອງນັກຮຽນຈົບໂຮງຮຽນຊັ້ນສູງຫຼາຍກວ່າ 90%.
ທ່ານອິນເວີ້ຍມິນ ລັດຖະມົນຕີກະຊວງຊັບພະຍາກອນມະນຸດແລະປະກັນສັງຄົມຈີນກ່າວວ່າ, ໃນ 5 ປີຜ່ານມາ, ການກໍ່ສ້າງຖັນແຖວຜູ້ມີຄວາມຮູ້ຄວາມສາມາດໄດ້ເພີ່ມຂຶ້ນຕື່ມອີກ, ລົງເລິກການປະຕິຮູບລະບົບຄຸນວຸດທິອາຊີບຢ່າງຮອບດ້ານ, ມີເຕັກນິກວິຊາການຫຼາຍກວ່າ 230 ລ້ານຄົນ, ດຶງດູດຜູ້ມີຄວາມຮູ້ຄວາມສາມາດຕ່າງປະເທດລະດັບສູງ 3 ລ້ານເທື່ອຄົນ, ພ້ອມກັນນັ້ນລະດັບການຄຸ້ມຄອງບຸກຄະລາກອນຢ່າງວິທະຍາສາດໄດ້ຍົກສູງຂຶ້ນຢ່າງຈະແຈ້ງ, ສະຖານະພາບການຈັດສັນເງິນເດືອນກໍປັບປຸງໃຫ້ສົມບູນຂຶ້ນເທື່ອລະກ້າວ, ການພົວພັນແຮງງານທີ່ມີລັກສະນະພິເສດຂອງຈີນໄດ້ປະດິດສ້າງແລະພັດທະນາຢ່າງບໍ່ຢຸດຢັ້ງ.
 |
