ວັນທີ 28 ທັນວານີ້, ສະຖານກົງສຸນລາວປະຈຳນະຄອນຊາງຊ່າແຂວງຮູນານ ສປ ຈີນເລີ່ມເປີດບໍລິການຢ່າງເປັນທາງການ. ທ່ານໂລຟູ້ມິນ, ນັກທຸລະກິດແຂວງຮູນານຮູ້ສຶກດີໃຈຫຼາຍທີ່ໄດ້ຮັບວີຊາໃບທຳອິດຢູ່ບ້ານເກີດຂອງຕົນ. ທ່ານໂລຟູ້ມິນໄດ້ດຳເນີນທຸລະກິດຢູ່ລາວເປັນເວລາ 5 ປີແລ້ວ, ນັກທຸລະກິດຈີນທີ່ດຳເນີນທຸລະກິດຢູ່ລາວຄືທ່ານໂລຟູ້ມິນມີປະມານ 1 ແສນຄົນ.
ສະຖານກົງສຸນລາວປະຈຳສາງຊາຕັ້ງຢູ່ຊັ້ນ 10 ຕຶກ B ຂອງໂຮງແຮມຮວາທ່ຽນຖະໜົນເຈຍຟັ້ງຕາເວັນອອກຂອງນະຄອນຊາງຊ່າ, ແມ່ນສະຖານກົງສຸນໃຫຍ່ລາວປະຈຳຈີນແຫ່ງທີ 6.
"ຕາມປົກກະຕິແລ້ວການຂໍວີຊາຄວນໃຊ້ເວລາ 3 ວັນ, ແຕ່ຖ້າຕ້ອງການດ່ວນແມ່ນສາມາດຮັບໄດ້ພຍໃນໜຶ່ງມື້ເທົ່ານັ້ນ", ທ່ານ ສີທົນ ວິໄລຮັກ ຕົວແທນກົງສູນລາວປະຈຳຊາງຊ່າໄດ້ໃຫ້ສຳພາດຕໍ່ນັກຂ່າວວ່າ, ປັດຈຸບັນສະຖານກົງສຸນດັ່ງກ່າວຕົ້ນຕໍເຮັດວຽກກ່ຽວກັບຊີຊາ, ພາສປອດ, ອອກໃບຢັ້ງຢືນແລະອື່ນໆ.