ວັນທີ 28 ທັນວານີ້, ທ່ານກ່າວເຟິ່ງ ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງວ່າ: ຄາດວ່າມູນຄ່າຂາເຂົ້າຂາອອກຂອງປະເທດຕົນໃນປີ 2017 ຈະບັນລຸ 4000 ຕື້ໂດລາສະຫະລັດອີກເທື່ອໜຶ່ງ.
ປີ 2013, ມູນຄ່າຂາເຂົ້າຂາອອກຂອງຈີນໄດ້ບັນລຸເຖິງ 4000 ຕື້ໂດລາສະຫະລັດເປັນຄັ້ງທຳອິດ. ຫຼັງຈາກນີ້, ເນື່ອງຈາກສະພາບການການຄ້າສາກົນບໍ່ດີປານໃດ, ມູນຄ່າຂາເຂົ້າຂາອອກໃນປີ 2015 ແລະ 2016 ລ້ວນແຕ່ຕ່ຳກວ່າ 4000 ຕື້ໂດລາ.
ຂໍ້ມູນທີ່ເປີດເຜີຍມໍ່ໆນີ້ສະແດງໃຫ້ເຫັນວ່າ: 11 ເດືອນຕົ້ນປີນີ້, ມູນຄ່າຂາເຂົ້າຂາອອກຂອງຈີນໄດ້ບັນລຸ 3703,2 ຕື້ໂດລາ ເພີ່ມຂຶ້ນ 12% ທຽບໃສ່ໄລຍະດຽວກັນ ຈັງຫວະການເຕີບໂຕລື່ນຄາດຫວັງຂອງຕະຫຼາດ. ນັກວິເຄາະວ່າ: ໃນເດືອນທັນວານີ້ ມູນຄ່າຂາອອກຈະຮັກສາຈັງຫວະການເຕີບໂຕຢ່າງວ່ອງໄວ.