ບົດລາຍງານວຽກງານປີ 2017 ທີ່ກອງທຶນສະພາກາແດງຈີນເປີດເຜີຍໃນວັນທີ 29 ທັນວານີ້ສະແດງໃຫ້ເຫັນວ່າ, ໂຄງການຊ່ອຍເຫຼືອທາງມະນຸດສະທຳຕໍ່ເດັກນ້ອຍເປັນພະຍາດໜັກໃນຂອບ" ໜຶ່ງແລວທາງໜຶ່ງເສັ້ນທາງ " ທີ່ກອງທຶນສະພາກາແດງຈີນເປັນຜູ້ສ້າງຕັ້ງແລະປະຕິບັດນັ້ນໄດ້ສົ່ງເດັກນ້ອຍເປັນພະຍາດຫົວໃຈມາແຕ່ເກີດ ຂອງອາຟການິສຖານ 21 ຄົນແລະມົງໂກລີ 53 ຄົນມາຮັບການຜ່າຕັດປິ່ນປົວໂດຍບໍ່ຕ້ອງເສຍຄ່າຢູ່ຈີນໃນປີ 2017.
ບົດລາຍງານດັ່ງກ່າວສະແດງໃຫ້ເຫັນວ່າ, ປີ 2017, ກອງທຶນສະພາກາແດງຈີນໄດ້ສ້າງຕັ້ງມູນນິທິຊີ່ລູ້ໂປໄອ້, ເພື່ອບໍລິການສະໜອງການບໍລິການທາງມະນິດສະທຳແກ່ການສ້າງ " ໜຶ່ງແນວທາງໜຶ່ງເສັ້ນທາງ ". ໂດຍໄດ້ອຸດໜູນຫຼາຍໂຄງການຊ່ອຍເຫຼືອທາງມະນຸດສະທຳສາກົນ, ເຊິ່ງທັງໝົດໄດ້ຈັດສົ່ງ 9 ຄະນະ, 63 ເທື່ອຄົນໄປດຳເນີນໂຄງການຊ່ອຍເຫຼືອສາກົນ.
ໃນນັ້ນ, " ສູນປິ່ນປົວສຸກເສີນໂປໄອ້ຈີນປາກິສຖານ "ໄດ້ສ້າງຕັ້ງຂຶ້ນຢູ່ທ່າເຮືອກວາດາຂອງປາກິສຖານ, ແລະໄດ້ສົ່ງທີມງານປິ່ນປົວຊ່ອຍເຫຼືອຕ່າງປະເທດສະພາກາແດງໄປບໍລິການປິ່ນປົວເປັນເວລາສອງປີ; ໄດ້ສົ່ງພະນັກງານຢ້ຽມຢາມຊີຣີເປັນເທື່ອທຳອິດ, ແລະສະໜອງການຊ່ອຍເຫຼືອທາງມະນຸດສະທຳເຊັ່ນໂຮງໝໍເຄື່ອນທີ່ຂະໜາດໃຫຍ່ແລະວັກແຊງເປັນຕົ້ນໃຫ້ຊີຣີ.
