ທ່ານສີນິງນິງ ຫົວໜ້າສະພາການຄ້າຈີນ-ອາຊຽນກ່າວຂະນະໃຫ້ສຳພາດຕໍ່ນັກຂ່າວວ່າ: ໃນປີ 2018, ການຮ່ວມມືດ້ານເສດຖຸະກິດລະຫວ່າງຈີນ-ອາຊຽນຈະມີການພັດທະນາໃໝ່ ແລະເບິ່ງໃນກງ່ດີທີ່ການຮ່ວມມືລະຫວ່າງສອງຝ່າຍຈະສ້າງໂອກາດການຄ້າທີ່ດີ.
ທ່ານສີນິງນິງກ່າວຕື່ມວ່າ: ການປະສານສົມທົບລະຫວ່າງການສ້າງ "ໜຶ່ງແລວທາງໜຶ່ງເສັ້ນທາງ" ແລະການສ້າງປະຊາຄົມເສດຖະກິດອາຊຽນແມ່ນກຳລັງຊຸກດັນທີ່ສຳຄັນໃນການພັດທະນາການຮ່ວມມືດ້ານເສດຖະກິດຈີນ-ອາຊຽນ. ຈີນເປັນຄູ່ຄ້າໃຫຍ່ອັນດັບທີໜຶ່ງຂອງອາຊຽນເປັນເວລາ 9 ປີຢ່າງລຽນຕິດ ແລະອາຊຽນເປັນຄູ່ຄ້າໃຫຍ່ອັນດັບທີສາມຂອງຈີນເປັນເວລາ 7 ປີຢ່າງລຽນຕິດ. ນອກນີ້, ຈີນເປັນຄູ່ຄ້າໃຫຍ່ອັນດັບທີໜຶ່ງຂອງ 9 ປະເທດອາຊຽນ ແລະເປັນແຫຼ່ງທຶນຈາກຕ່າງປະເທດໃຫຍ່ອັນດັບທີສີ່ຂອງອາຊຽນອີກດ້ວຍ.
ທ່ານສີນິງນິງຍົກໃຫ້ເຫັນວ່າ: ການພັດທະນາການຄ້າ ແລະການລົງທຶນຈີນ-ອາຊຽນໃນປີ 2017 ໄດ້ສະແດງໃຫ້ເຫັນວ່າການຮ່ວມມືດ້ານເສດຖະກິດລະຫວ່າງສອງຝ່າຍກຳລັງພັດທະນາຢ່າງຄຶກຄັກ. ປັດຈຸບັນນີ້, ການຮ່ວມມືລະຫວ່າງສອງຝ່າຍໃນດ້ານຕ່າງໆເຊັ່ນ ຄວາມສາມາດການຜະລິດ, ການເຊື່ອມຈອດກັນ ແລະມາດຕະການຕ່າງໆ ເປັນຕົ້ນການຍົກລະດັບເຂດການຄ້າເສລີຈີນ-ອາຊຽນ, ການຍົກລະດັບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ແລະອື່ນໆກໍສະແດງໃຫ້ເຫັນເຖິງອະນາຄົດອັນກ້ວາງຂວາງຂອງການຮ່ວມມືດ້ານເສດຖະກິດລະຫວ່າງສອງຝ່າຍ.
ທ່ານສີນິງນິງຍັງກ່າວອີກວ່າ: ຜູ້ນຳຈີນ ແລະອາຊຽນໄດ້ກຳນົດເອົາການປະດິດສ້າງໃໝ່ເປັນຫົວຂໍ້ການຮ່ວມມືສອງຝ່າຍໃນປີ 2018. ມີການປະດິດສ້າງໃໝ່ຈຶ່ງຈະມີຊີວິດຊີວາ, ເຊື່ອໝັ້ນວ່າ ສອງຝ່າຍຈະສ້າງໃຫ້ເປັນສະຖານະການຂອງການພັດທະນາມີຮູບການໃໝ່, ເຕັມໄປດ້ວຍຄວາມມີຊີວິດຊີວາ ແລະຊຸກຍູ້ສົ່ງເສີມເຊິ່ງກັນ ແລະກັນໂດຍຜ່ານການປະດິດສ້າງໃໝ່.