ກົມຮູບເງົາຂອງອົງການຖະແຫຼງຂ່າວ ພິມຈຳໜາຍ ວິທະຍຸ ຮູບເງົາແລະໂທລະພາບຈີນໄດ້ເປີດເຜີຍໃນຕອນຄ່ຳວັນທີ 31 ທັນວາ ປີ 2017 ວ່າ, ປີ 2017, ຍອດລາຍຮັບຈາກປີ້ເຂົ້າຊົມຂະແໜງຮູບເງົາຈີນບັນລຸ 55 ຕື້ 911 ລ້ານຢວນ, ເພີ່ມຂຶ້ນ 13,45 % ເມື່ອທຽບໃສ່ປີ 2016; ໃນນັ້ນຮູບເງົາທີ່ຈີນຜະລິດສາມາດຂາຍປີ້ເຂົ້າຊົມໄດ້ເຖິງ 30 ຕື້ 104 ລ້ານຢວນ, ກວມ 53,84%; ຮູບເງົາທີ່ສາມາດຂາຍປີ້ເຂົ້າຊົມລື່ນກາຍ 100 ລ້ານຢວນມີ 92 ເລື້ອງ, ໃນນັ້ນຮູບເງົາທີ່ຈີນຜະລິດມີ 51 ເລື້ອງ.
ການເປີດເຜີຍຂອງກົມດັ່ງກ່າວສະແດງໃຫ້ເຫັນວ່າ, ປີ 2017, ຮູບເງົາທີ່ຈີນຜະລິດສາມາດສ້າງລາຍຮັບຈາກການຂາຍປີແລະຈຳໜ່າຍຮູບເງົາຢູ່ຕ່າງປະເທດບັນລຸ 4 ຕື້ 253 ລ້ານຢວນ, ເພີ່ມຂຶ້ນ 11,19% ເມື່ອທຽບໃສ່ປີ 2016. ຜູ້ຮັບຜິດຊອບທີ່ກ່ຽວຂ້ອງຂອງກົມຮູບເງົາກ່າວວ່າ, ປີ 2017 ແມ່ນ ປີຊຸກຍູ້ຄຸນນະພາບຮູບເງົາ, ຮູບເງົາຈີນໄດ້ຮັບໝາກຜົນທີ່ມີລັກສະນະຕົວຈິງແລະຮັກສາທ່ວງທ່າພັດທະນາອັນດີງາມ.
ຂ່າວແຈ້ງຕື່ມວ່າ, ປີ 2017 ຮູບເງົາຈີນຜະລິດທີ່ສາມາດຂາຍປີ້ໄດ້ເຖິງ 500 ກວ່າລ້ານຢວນມີ 13 ເລື້ອງ, ແລະລື່ນກາຍ 1 ຕື້ຢວນມີ 6 ເລື້ອງ.