ຂະນະທີ່ສຽງລະຄັງປີ 2018 ດັງຂຶ້ນຢ່າງເປັນທາງການ, ດອກໄມ້ໄຟຕ່າງໆກໍຖືກຍິງຂຶ້ນເທິງອາກາດທ່າເຮືອວິກໂຕເຣຍເຂດພິເສດຮົງກົງຈີນໃນທັນທີແລະລະເບີດເປັນຮູບຕ່າງໆທີ່ງົດງາມ. ທ່າມກາງດອກໄມ້ໄຟທີ່ງາມຕະການຕາແລະສຽງເພງມ່ວນຫູ, ຊາວຮົງກົງພ້ອມກັບນັກທ່ອງທ່ຽວໂລກໄດ້ຮ່ວມກັນຕ້ອນຮັບປີໃໝ່ວຽນມາເຖິງ.
ຕອນຄ່ຳວັນທີ 31 ທັນວາປີ 2017, ຢູ່ຮົງກົງມີຫຼາຍແຫ່ງໄດ້ຈັດກິດຈະກຳຕ່າງໆເພື່ອສະຫຼອງປີໃໝ່. ໃນນັ້ນ, ກິດຈະກຳທີ່ດຶງດູດໃຈຄົນທີ່ສຸດຄືການສະແດງດົນຕີແລະດອກໄມ້ໄຟ ນັບຖອຍຫຼັງປີໃໝ່ 2018. ອົງການພັດທະນາການທ່ອງທ່ຽວຮົງກົງທີ່ເປັນຜູ້ຈັດງານດັ່ງກ່າວໃຫ້ຮູ້ວ່າ, ການສະແດງດົນຕີແລະດອກໄມ້ໄຟປີນີ້ມີຂະໜາດໃຫຍ່ທີ່ສຸດໃນຫຼາຍປີມານີ້.
ການສະແດງດົນຕີແລະດອກໄມ້ໄຟສະຫຼອງປີໃໝ່ຂອງຮົງກົງມີຈຸດພິເສດຕ່າງໆຄືງາມຕະການຕາແລະປະດິດສ້າງໃໝ່ທຸກໆປີ, ຈຶ່ງສາມາດດຶງດູດນັກທ່ອງທ່ຽວຈາກທົ່ວໂລກຢ່າງຫຼວງຫຼາຍ.
