ຕອນຄ່ຳວັນທີ 31 ທັນວາປີ 2017, ຢູ່ປະຕູຢົງຕິງທີ່ຕັ້ງຢູ່ເສັ້ນສູນກາງປັກກິ່ງໄດ້ຈັດພິທີນັບຖອຍຫຼັງສົ່ງທ້າຍປີເກົ່າ 2017 ແລະ ຕ້ອນຮັບປີໃໝ່ສາກົນ 2018 ໂດຍທູຕານຸທູດ 20 ປະເທດປະຈຳຈີນ, ຜູ້ຕາງໜ້າຂະແໜງການຕ່າງໆນະຄອນຫຼວງປັກກິ່ງ, ນັກທ່ອງທ່ຽວຈີນ ແລະຕ່າງປະເທດ, ປະຊາຊົນປັກກິ່ງ ແລະອື່ນໆຈຳນວນ 1000 ກວ່າຄົນເຂົ້າຮ່ວມ ເພື່ອຕ້ອນຮັບປີໃໝ່ສາກົນ 2018.
ຕອນຄ່ຳມື້ດຽວກັນ, ງານວາງສະແດງທ່ອງທ່ຽວວັດທະນະທຳຫິມະປັກກິ່ງໄດ້ໄຂຂຶ້ນຢ່າງເປັນທາງການ ເຊິ່ງຈະດຳເນີນແຕ່ວັນປີໃໝ່ສາກົນຫາວັນເພັງເດືອນຈຽງ ເຊິ່ງເປັນວັນບຸນຂະໜົມບົວລອຍຂອງຈີນ ແລະໃນໄລຍະດັ່ງກ່າວຍັງຈະຈັດກິດຈະກຳຕ່າງໆລວມທັງພິທີສະຫຼອງບຸນກຸດຈີນ, ບຸກວັດ, ການແຂ່ງຂັນກິລາຫິມະ, ການສະແດງວັດທະນະທຳ ແລະເທດສະການອາຫານ.