ວັນທີ 30 ທັນວາປີ 2017 ຜ່ານມາ, ອົງການປົກປ້ອງສິດທິແມ່ຍິງຟິລິປິນສອງພາກສ່ວນໄດ້ອອກຖະແຫຼງການຮ່ວມກ່າວປະນາມການກະທຳ ແລະຖ້ອຍຄຳຂອງສະຖານທູດຍີ່ປຸ່ນປະຈຳຟິລິປິນຕໍ່ໍການສ້າງຮູບປັ້ນທອງນາງບຳເລີຢູ່ມານີລາ ແລະຫວັງວ່າລັດຖະບານຟິລິປິນຈະຍຶດໝັ້ນຫຼັກໝັ້ນ ແລະຮັກສາກຽດສັກສີຂອງຊາດ.
ອົງການກາບລີລາ ແລະສະຫະພັນແມ່ຍິງຟິລິປິນແມ່ນອົງການຈັດຕັ້ງສັງຄົມທີ່ເອົາໃຈໃສ່ປົກປ້ອງສິດ ແລະຜົນປະໂຫຍດໃຫ້ນາງບຳເລີພາຍໃນຟິລິປິນເປັນເວລາດົນນານມານີ. ສອງອົງການດັ່ງກ່າວອອກຖະແຫຼງການຮ່ວມກ່າວປະນາມການກະທຳ ແລະຖ້ອຍຄຳຂອງລັດຖະບານຍີ່ປຸ່ນ ແລະສະຖານທູດຍີ່ປຸ່ນປະຈຳຟິລິປິນຕໍ່ກໍລະນີຟິລິປິນສ້າງຮູບປັ້ນທອງນາງບຳເລີຢູ່ຟິລິປິນໃນເມື່ອມໍ່ໆນີ້.
ວັນທີ 8 ທັນວາປີ 2017, ຄະນະກຳມະການປະຫວັດສາດແຫ່ງຊາດຟິລິປິນ ແລະອົງການປົກຄອງນະຄອນຫຼວງມານີລາຈັດພິທີເປີດຮູບປັ້ນທອງນາງບຳເລີໃນໄລຍະສົງຄາມໂລກຄັ້ງທີສອງ. ສື່ມວນຊົນຟິລິປິນລາຍງານວ່າ: ສະຖານທູດຍີ່ປຸ່ນປະຈຳຟິລິປິນເຄີຍມີຄວາມເຫັນຕໍ່ລັດຖະບານຟິລິປິນວ່າ ຍີ່ປຸ່ນສະແດງຄວາມເສຍໃຈຕໍ່ການສ້າງຮູບປັ້ນທອງນາງບຳເລີຢູ່ຟິລິປິນ.
 |
