ກົມທ່ອງທ່ຽວແຫ່ງຊາດຈີນເປີດເຜີຍໃນວັນທີ 1 ມັງກອນນີ້ວ່າ, ໃນໄລຍະພັກບຸນປີໃໝ່ສາກົນ, ຈີນໄດ້ຕ້ອນຮັບນັກທ່ອງທ່ຽວພາຍໃນປະເທດ 133 ລ້ານເທື່ອຄົນ, ເພີ່ມຂຶ້ນຫຼາຍກວ່າປີຜ່ານມາ 11,08%, ສາມາດສ້າງລາຍຮັບດ້ານການທ່ອງທ່ຽວໄດ້ເຖິງ 75 ຕື້ 500 ລ້ານຢວນ ແລະ ເພີ່ມຂຶ້ນ 11,22%.
ເຈົ້າໜ້າທີ່ທີ່ກ່ຽວຂ້ອງຂອງກົມທ່ອງທ່ຽວແຫ່ງຊາດຊີ້ອອກວ່າ, ປີໃໝ່ວຽນມາເຖິງ, ນັກທ່ອງທ່ຽວພາຍໃນປະເທດມີຄວາມກະຕືລືລົ້ນໄປທ່ຽວແຫ່ງຕ່າງໆ. ເມື່ອສັງເກດຈາກຈຸດໝາຍປາຍທາງການທ່ອງທ່ຽວແລ້ວເຫັນວ່າ, ການໄປຫຼິ້ນນ້ຳກ້າມ ແລະ ຫິມະ, ບໍ່ນ້ຳອຸ່ນ ແລະ ໄປເຂດທີ່ມີອາກາດອົບອຸ່ນໄດ້ຮັບຄວາມນິຍົມຫຼາຍ.
ນອກນີ້, ການທ່ອງທ່ຽວແບບຫຼິ້ນກິລາ, ການທ່ອງທ່ຽວໄປຮ່ວມການສຶກສາອົບຮົມ, ການໄປທ່ຽວແຫຼ່ງອຸດສາຫະກຳ ກໍໄດ້ຮັບຄວາມນິຍົມຈາກນັກທ່ອງທ່ຽວນັບມື້ຫຼາຍຂຶ້ນເຊັ່ນດຽວກັນ.