ວັນທີ 29 ທັນວາ 2017 ຜ່ານມາ, ຢູ່ແຫ່ງຕ່າງໆຂອງອີຣານ ເຊັ່ນ: ເມືອງກູມ ແລະເມືອງມັສຮາດທີ່ເປັນເມືອງສັກສິດທາງສາສະໜາ, ອິສເຟຮານທີ່ເປັນເມືອງທ່ອງທ່ຽວຂອງອີຣານ, ປະຊາຊົນໄດ້ໂຮມກັນຢູ່ຖະໜົນຫົນທາງ, ຮ້ອງຄຳຂວັນ ແລະຕຳໜິລັດຖະບານອີຣານ ທີ່ແກ້ໄຂບັນຫາເສດຖະກິດບໍ່ແຂງແຮງ. ຕອນບ່າຍວັນທີ 30 ທັນວາຜ່ານມາ, ຢູ່ມະຫາວິທະຍາໄລເຕເຮຣານ ແລະເຂດອ້ອມແອ້ມ ກໍໄດ້ເກີດຂະບວນການປະທ້ວງ. ຂ່າວສານແຮງງານອີຣານ ລາຍງານໃນວັນທີ 31 ທັນວາຜ່ານມາວ່າ, ໃນຂະບວນການປະທ້ວງທີ່ເກີດຂຶ້ນຢູ່ພາກຕາເວັນຕົກ, ມີ 2 ຄົນເສຍຊີວິດ, ແຕ່ຂ່າວດັ່ງກ່າວ ບໍ່ໄດ້ຮັບການຢືນຢັນຈາກທາງການອີຣານເທື່ອ.
ກ່ຽວກັບສະຖານະການອີຣານ, ທ່ານ ໂດນັນ ທຣຳ ປະທານາທິບໍດີອາເມລິກາ ກ່າວວ່າ, ປະຊາຊົນອີຣານໄດ້ຖືກກົດຂີ່ຫຼາຍປີມາແລ້ວ ແລະ ຮອດເວລາປ່ຽນແປງແລ້ວ.
ແຕ່ກະຊວງການຕ່າງປະເທດຣັດເຊຍ ໄດ້ອອກຖະແຫຼງການໃນວັນດັ່ງກ່າວວ່າ, ເຫດການປະທ້ວງ ແມ່ນວຽກງານພາຍໃນຂອງອີຣານ, ການທີ່ພາຍນອກແຊກແຊງແລະທຳລາຍສະຖຽນລະພາບນັ້ນແມ່ນຮັບເອົາບໍ່ໄດ້. ຖະແຫຼງການຍັງເນັ້ນວ່າ, ຫວັງວ່າສະຖານະການຈະບໍ່ຂະຫຍາຍຕົວແລະບໍ່ມີເຫດການໃຊ້ຄວາມຮຸນແຮງແລະນອງເລືອດແຕ່ຢ່າງໃດ.
 |
