ວັນທີ 31 ທັນວາ 2017 ຜ່ານມາ, ໂຄສົກໂຮງໄຟຟ້ານ້ຳຕົກ 2 ຂັ້ນແມ່ນ້ຳເຊຊັນກຳປູເຈຍຮວາເນີງຈີນ ກ່າວວ່າ, ເຄື່ອງຈັກຜະລິດໄຟຟ້າເບີ 2 ໄດ້ສຳເລັດການທົດລອງຜະລິດໄຟຟ້າເປັນເວລາ 72 ຊົ່ວໂມງ ແລະໄດ້ເລີ່ມຜະລິດໄຟຟ້າຢ່າງເປັນທາງການກ່ອນເວລາກຳນົດ.
ໂຄສົກທ່ານນີ້ກ່າວວ່າ, ນີ້ແມ່ນໂຄງການປ່ອງຢ້ຽມທີ່ສຳຄັນໃນການສ້າງ "ໜຶ່ງແລວທາງໜຶ່ງເສັ້ນທາງ" ແລະ ການສ້າງພະລັງງານກຳປູເຈຍ, ເຊິ່ງເຂື່ອນໄຟຟ້າມີຄວາມຍາວທັງໝົດ 6,5 ກິໂລແມັດ ແລະມີຄວາມສາມາດຜະລິດໄຟຟ້າໄດ້ 4 ແສນກິໂລວັດ. ຫຼັງຈາກສ້າງສຳເລັດແລ້ວ ຈະສາມາດຜະລິດໄຟຟ້າປະມານ 2 ຕື້ກິໂລວັດໂມງຕໍ່ປີ ເຊິ່ງກວມຫຼາຍກວ່າ 1 ສ່ວນ 5 ຂອງຄວາມສາມາດຜະລິດໄຟຟ້າໃນທົ່ວປະເທດກຳປູເຈຍ ແລະຈະເປັນການຄ້ຳຊູດ້ານພະລັງງານຢ່າງແຂງແຮງໃຫ້ແກ່ການພັດທະນາເສດຖະກິດ-ສັງຄົມກຳປູເຈຍ.
ຂ່າວແຈ້ງວ່າ, ເຄື່ອງຈັກຕົ້ນຕໍໃນໂຄງການດັ່ງກ່າວ ຜະລິດໂດຍຈີນ. ສ່ວນໂຮງໄຟຟ້ານີ້ ໄດ້ເລີ່ມກໍ່ສ້າງໃນເດືອນຕຸລາປີ 2013 ແລະຄາດວ່າຈະບັນລຸເຄື່ອງຈັກ 8 ເຄື່ອງຜະລິດໄຟຟ້າທັງໝົດໃນປີ 2018 ນີ້.
 |
