ວັນທີ 1 ມັງກອນນີ້, ທ່ານ ລີວເຈີ້ນມິນ ຮອງເລຂາທິການໃຫຍ່ອົງການສະຫະປະຊາຊາດກ່າວວ່າ: ຄຳອວຍພອນປີໃໝ່ຂອງທ່ານ ສີຈິ້ນຜິງ ປະທານປະເທດຈີນເປັນການສົ່ງສຽງແຫ່ງການພັດທະນາໂດຍສັນຕິທີ່ເຂັ້ມແຂງຂອງຈີນຕໍ່ໂລກອີກຄັ້ງໃໝ່ ເຮັດໃຫ້ຄົນກຳລັງໃຈຫຼາຍຂຶ້ນ.
ທ່ານ ລີວເຈີ້ນມິນ ກ່າວວ່າ: ປີ 2017, ການປະກອບສ່ວນຂອງຈີນໃນການຄຸ້ມຄອງທົ່ວໂລກໄດ້ເພີ່ມຂຶ້ນຢ່າງບໍ່ຢຸດຢັ້ງ ໂດຍສະເພາະແມ່ນບົດບາດນຳພາໃນຂົງເຂດຮັບມືກັບການປ່ຽນແປງຂອງດິນຟ້າອາກາດ,ລຶບລ້າງຄວາມທຸກຍາກ,ການຮ່ວມມືໃຕ້-ໃຕ້ແລະຂົງເຂດອື່ນໆ. "ການສ້າງປະຊາຄົມຮ່ວມຊາຕາກຳມວນມະນຸດ" "ໜຶ່ງແລວທາງໜຶ່ງເສັ້ນທາງ" ແລະທັດສະນະຄະຕິອື່ນໆລ້ວນແຕ່ໄດ້ຖືກບັນທຶກເຂົ້າໃນເອກະສານມະຕິຂອງອົງການສະຫະປະຊາຊາດ.
ທ່ານ ລີວເຈີ້ນມິນ ກ່າວວ່າ: ຮອດປີ 2020, ປະຊາກອນຜູ້ທຸກຍາກຢູ່ໃນຊົນນະບົດຕາມມາດຕະຖານໃນປັດຈຸບັນຂອງຈີນຈະບັນລຸການຫຼຸດພົ້ນອອກຈາກຄວາມທຸກຍາກ ເຊິ່ງຈະເປັນການປະກອບສ່ວນທີ່ຍິ່ງໃຫຍ່ຂອງຈີນຕໍ່ຄວາມກ້າວໜ້າຂອງມວນມະນຸດ,ແມ່ນແບບຢ່າງທົ່ວໂລກໃນການບັນລຸເປົ້າໝາຍແຫ່ງການພັດທະນາແບບຍືນຍົງປີ 2030 ຂອງອົງການສະຫະປະຊາຊາດ.
 |
