ຢູ່ເມືອງຮູ້ລຸນເປ້ເອີເຂດປົກຄອງຕົນເອງມົງໂກໃນໄດ້ມີໂຮງແຮມນ້ຳກ້ອນແລະຫິມະຫຼື ice and snow ແຫ່ງໜຶ່ງຊື່ວ່າ: ອ້າວຫຼູກູຢາ, ເປີດບໍລິການພຽງແຕ່ປະມານ 2 ເດືອນຕໍ່ປີຄືເລີ່ມເປີດບໍລິການໃນທ້າຍເດືອນທັນວາທຸກປີ,ຈົນຮອດທ້າຍເດືອນກຸມພາຂອງປີຕໍ່ມາ. ໂຮງແຮມດັ່ງກ່າວມີເນື້ອທີ່ 1.000 ຕາແມັດ, ກໍ່ສ້າງໂດຍຫິມະແລະນ້ຳກ້ອນປະມານ 1.500 ໂຕນ, ຮອດທ້າຍເດືອນພຶດສະພາຂອງທຸກໆປີ, ຫິມະແລະນ້ຳກ້ອນກໍ່ຈະລະລາຍໝົດ, ໂຮງແຮມກໍຈະຫາຍໄປແລ້ວກາຍເປັນນ້ຳ ຈົນຮອດລະດູໜາວເທື່ອໜ້າຈຶ່ງຈະປາກົດຕົວຂຶ້ນອີກ.
