ຍອດປະລິມານສົ່ງອອກເຂົ້າສານຂອງກຳປູເຈຍໃນປີ 2017 ມີຫຼາຍກວ່າ 6 ແສນ 3 ໝື່ນໂຕນ ເຊິ່ງໃນນັ້ນ ມີ 30% ສົ່ງໃຫ້ປະເທດຈີນ.
ເຈົ້າໜ້າທີ່ຫ້ອງການສົ່ງອອກເຂົ້າສານກະຊວງກະສິກຳ, ປ່າໄມ້ ແລະ ການປະມົງກຳປູເຈຍໄດ້ເປີດເຜີຍບົດລາຍງານໃນວັນທີ 2 ມັງກອນນີ້ວ່າ, ປີຜ່ານມາກຳປູເຈຍໄດ້ສົ່ງອອກເຂົ້າສານຫຼາຍກວ່າ 6 ແສນ 3 ໝື່ນໂຕນ ແລະ ເພີ່ມຂຶ້ນຫຼາຍກວ່າປີ 2016 ນັ້ນ 17,3%. ໃນ 70 ກວ່າປະເທດ ທີ່ກຳປູເຈຍສົ່ງອອກນັ້ນ, ຈີນແມ່ນຕະຫຼາດສົ່ງອອກໃຫຍ່ທີ່ສຸດສຳລັບກຳປູເຈຍ ແລະ ກວມ 30% ຂອງຍອດປະລິມານການສົ່ງອອກທັງໝົດ.
ບົດລາຍງານດັ່ງກ່າວຍັງສະແດງໃຫ້ເຫັນວ່າ, ປັດຈຸບັນ, ກຳປູເຈຍມີ 80 ກວ່າບໍລິສັດໄດ້ສົ່ງອອກເຂົ້າສານໄປ 70 ກວ່າປະເທດ ແລະ ເຂດແຄວ້ນໃນທົ່ວໂລກ ເຊິ່ງໃນນັ້ນ, ຈີນ, ສະຫະພາບເອີລົບ ແລະ ບັນດາປະເທດໃນອາຊຽນ ເປັນຕະຫຼາດສົ່ງອອກຕົ້ນຕໍ.