ວັນທີ 2 ມັງກອນນີ້, ທ່ານຣານິວ ວິກເຣມຊິງ ນາຍົກລັດຖະມົນຕີສີລັງກາໄດ້ກວດກາໂຄງການຕົວເມືອງທ່າກຳປັ່ນໂກລົມໂບ ທີ່ບໍລິສັດຈີນ ແລະ ສີລັງກາຮ່ວມກັນພັດທະນາ ໂດຍກ່າວວ່າ, ຕົວເມືອງດັ່ງກ່າວຈະກາຍເປັນແບບຢ່າງທີ່ດີ ແລະ ຂອບໃຈບໍລິສັດຈີນທີ່ໄດ້ທຳຄວາມພະຍາມເພື່ອສ້າງຕົວເມືອງດັ່ງກ່າວ.
ທ່ານວິກເຣມຊິງກ່າວວ່າ, ຕົວເມືອງທ່າກຳປັ່ນໂກລົມໂບສ້າງຕາມມາດຕະຖານສາກົນ ເຊິ່ງຈະເຮັດໃຫ້ສີລັງກາກາຍເປັນໃຈກາງໃນພາກພື້ນມະຫາສະໝຸດອິນເດຍ.
ໂຄງການຕົວເມືອງທ່າກຳປັ່ນໂກລົມໂບຕັ້ງຢູ່ສູນທຸລະກິດໃຈກາງເມືອງໂກລົມໂບ, ເລີ່ມລົງມືກໍ່ສ້າງໃນເດືອນກັນຍາປີ 2014 ແລະ ເປັນໂຄງການສຳຄັນຂອງສີລັງກາໃນການສ້າງ "ໜຶ່ງແລວທາງໜຶ່ງເສັ້ນທາງ".